images

राजपा महाधिवेशन टर्दै  : कार्यव्यस्तता कि पार्टी फुट्ने डर ?

प्रकाश बस्याल | प्रकाशित: २०७६-१-२ गते
राजपा महाधिवेशन टर्दै  : कार्यव्यस्तता कि पार्टी फुट्ने डर ?

काठमाडौं : वैशाख पहिलो साता हुने भनिएको राष्ट्रिय जनता पार्टीको महाधिवेशन अन्योलमा परेको छ । ६ पार्टी मिलेर बनेको राजपा एकताको २ वर्ष बित्न लाग्दा पनि महाधिवेशन हुन सकेको छैन । पछिल्लो समय वैशाख ७ देखि ९ का लागि तय भएको महाधिवेशन तयारी नपुकाले पर धकेलिएको नेताहरूले बताएका छन् ।

२०७४ असार ३० मा निर्वाचन आयोगले ६ पार्टीको एकीकरणलाई वैधानिकता दिएको थियो  । त्यसका आधारमा आगामी असार मसान्तमा एकताको दुई वर्ष पुग्दैछ  । राजपाको विधानमा पनि दुई वर्षभित्र महाधिवेशन गरिसक्ने उल्लेख छ । तर अबको तीन महिनाभित्र महाधिवेशन हुनेमा पार्टीका नेता कार्यकर्ता नै विश्वस्त छैनन् ।

उता विधानअनुसार महाधिवेशन नगरे उसको वैधानिकतामाथि नै प्रश्न उठ्ने देखिन्छ । तर नेताहरू भने महाधिवेशन गराउने भन्दा पनि नेतृत्वको बारेमा बढी चिन्तित देखिएका छन् । महाधिवेशनको नयाँ मिति तय गर्न भन्दै पटक पटक बैठक बसेपनि नेताहरू विषय केन्द्रित हुन नसकेको आरोप लागेको छ । 

६ जनाको नेतृत्व भएकाले भावी महाधिवेशनबाट कसले नेतृत्व हत्याउने भन्ने आन्तरिक चलखेल सुरु भएको छ । अहिलेसम्म आलोपालो नेतृत्व गरिरहेका अध्यक्षहरू समान नेतृत्वलाई स्वीकार गर्नेमा शङ्का छ । 

महाधिवेशनपछि महन्थ ठाकुर र राजेन्द्र महतोमध्ये कसको नेतृत्व हुने भन्नेमा आन्तरिक कानेखुसी सुरु भएको छ । ठाकुर तत्कालीन तराई मधेस लोकतान्त्रिक पार्टी (तमलोपा) तथा महतो तत्कालीन सद्भावना पार्टीका अध्यक्ष हुन्  । 

तमलोपा र सद्भावना दुवैको पुरानो राजनीति र सङ्गठनात्मक पृष्ठभूमिसमेत भएकाले नेतृत्वका लागि उनीहरूकै रस्साकसी छ । महेन्द्र यादव, शरदसिंह भण्डारी, अनिल झा र राजकिशोर यादवका पनि राजपामा छुट्टाछुट्टै समूह छन्  । जसले ती समूहमध्ये धेरैलाई आफ्नो पक्षमा पार्न सक्छन् उसैले नेतृत्व लिने सम्भावना छ । 

महाधिवेशनका लागि सदस्यता लिने र नवीकरण गर्ने काम चैत १५ मा सकिएको छ । सदस्यताको अन्तिम टुङ्गो लागेपछि जिल्ला अधिवेशन गर्नुपर्ने भएपनि प्रक्रिया नै सुरु भएको छैन । माघ अन्तिमसम्ममा सदस्यता वितरण टुंग्याएर फागुन महिनामा प्रदेश तहसम्मको अधिवेशन सक्ने बताएको राजपाले चैत १५ सम्ममा बल्ल सदस्यता वितरण सकेको हो । 

राजपाले महाधिवेशन केन्द्रित भएर २७ जिल्लामा सदस्यता वितरण गरेको जनाएको छ । 

यता अध्यक्ष मण्डलका सदस्य महन्थ ठाकुरले भने आफूहरूमा कुनै असहमति नभएको बताए । सबै अध्यक्षले एकल नेतृत्वलाई स्वीकार गरेकाले महाधिवेशन गर्न कुनै समस्या नरहेको उनको भनाइ छ । 

राजपाभित्रको असहमतिले महाधिवेशन सर्‍यो भन्नु  गलत भएको उनले बताए । ‘पार्टी भित्र फरक बिचार हुनु स्भाविक हो । राजपा भित्र पनि वैचारिक बहस  छ तर नेताहरूले एकल नेतृत्वमा जाने कुरामा सहमति जनाइसक्नुभएको छ’ उनले भने, ‘नेपालका सबै राजनीतिक दलहरू फुटेका छन् , कोही फुटेर फेरी जुटेका पनि छन्, राजपा पनि त यही वातावरणमा छ ।’

मधेस केन्द्रित विभिन्न ६ वटा दल मिलेर राजपा गठन भएपछि पहिलो पटक महाधिवेशन हुन लागेको हो ।

images
images
सम्बन्धित समाचार

बँदेललाई थापेको धरापमा मान्छे, यसरी खुल्यो डरलाग्दो घटना

बँदेललाई थापेको धरापमा मान्छे, यसरी खुल्यो डरलाग्दो घटना

बुटवल : रुपन्देहीको तिलोत्तमा-११ मा गाडिएको अवस्थामा शव भेटिएको छ । प्रहरीले बरादम गरेको शव तिलोत्तमा-११ भूपू सैनिक..

जिउँदो मान्छेलाई मृत घोषित गरेपछि...

जिउँदो मान्छेलाई मृत घोषित गरेपछि...

कैलाली : डडेल्धुराको गन्यपाधुरा गाउँपालिका–१ साहुखर्कमा बुधबार भएको यात्रुबाहक बस दुर्घटना परि सामान्य घ..

कर नतिरेको भन्दै नवलपुरमा जलाइयो एनसेलको सिम

कर नतिरेको भन्दै नवलपुरमा जलाइयो एनसेलको सिम

कावासोती : कर नतिरेको भन्दै नवलपरासीमा युवाहरुले निजीक्षेत्रको मोबाइल फोन सेवा प्रदायक कम्पनी एनसेल एक्जियटाको सिमक..

घटुवा भएका केन्द्रीय सदस्यले जिल्ला सचिवबाट राजीनामा दिए 

घटुवा भएका केन्द्रीय सदस्यले जिल्ला सचिवबाट राजीनामा दिए 

रुपन्देही : सत्तारुट नेकपाको रुपन्देही सचिवमा मनोनित दधिराम शर्मा न्यौपानेले पदबाट राजीनामा दिएका छन्।  प..

मोटरेबल पुल आठ वर्षमा पनि बनेन, कछुवाको गति भन्दा सुस्त  

मोटरेबल पुल आठ वर्षमा पनि बनेन, कछुवाको गति भन्दा सुस्त  

लमजुङ : दुई वर्षमा बनिसक्नुपर्ने दोर्दीखोलामाथिको पुल आठ वर्षसम्म पनि पुरा हुन सकेको छैन ।  विसं २०६८ देख..

पाहुना आएकी किशोरीमाथि बलात्कार, युवक पक्राउ 

पाहुना आएकी किशोरीमाथि बलात्कार, युवक पक्राउ 

काभ्रेपलाञ्चोक : पन्ध्रवर्षे किशोरीलाई बलात्कार गरेको अरोपमा मण्डन देउपुर नगरपालिका–३ नयाँगाउँका एक युवक..