images

पाइपलाइनबाट नेपाल आइपुग्यो तेल

नरेश सर्राफ | प्रकाशित: २०७६-४-३ गते
पाइपलाइनबाट नेपाल आइपुग्यो तेल

वीरगन्ज : बहुप्रतिक्षित मोतीहारी अमलेखगन्ज पाइपलाइन परियोजनाको निर्माण कार्य सम्पन्न भई सफल परिक्षण भएको छ। अमलेखगन्जस्थित भण्डारण ट्यांकीमा शुक्रवार बिहान पौने ७ बजे पाइपमार्फत डिजेल भित्र्याएर सफल परिक्षण गरिएको अमलेखगन्ज डिपोको प्रमुख प्रदीप यादवले बताए।

१५ महिनाअघि निर्माण कार्य सुरु भएको परियोजनाको ८ महिना अगावै सफल परिक्षण भएको हो। यसको लागत ३ अर्ब २५ करोड भारतीय रुपैयाँ रहेको छ। आज बिहान पाइपलाइनबाट तेल आएको प्रमुख यादवले बताए।

कुल ६९.२ किलोमिटर लामो पाइपलाइनमा नेपालतर्फ ३७.२५ र भारततर्फ ३२.६५ किलोमिटर पर्छ। पाइपलाइनमा २१ लाख लिटर तेल मौज्दात हुन्छ। पाइपलाइनबाट प्रतिघन्टा २ लाख लिटर डिजेल आयात गर्न सकिने उनले बताए।

पाइपलाइनको रक्सौलबाट २ किलोमिटरको दुरीमा एक र नेपालतर्फ गण्डक र जीतपुरमा २ वटा रिर्टनीङ्ग भल्व राखिएको छ। जसले गर्दा तेललाई उतै फर्किन दिँदैन। बुधबार दिउँसो १२ बजे पटनाबाट पम्पिङ्ग भएको तेल शुक्रवार बिहान आइपुगेको हो। अब कुनै पनि बेला स्वीच थिच्दा अमलेखगन्जमा तेल झर्ने परियोजनाका प्राविधिक परामर्शदाता शरद पौडेलले बताए।

‘मोतीहारी अमलेखगन्ज पाइपलाइन संचालनमा आएपछि निगमकोे शत प्रतिशत तेल ढुवानी खर्च बच्ने छ’, डिपोका प्रमुख यादवले भने, ‘वर्षौदेखी चलिरहेको मिसावट र चुहावटमा पनि नियन्त्रण हुन्छ। यसले वातावरण प्रदुषणलाई समेत नियन्त्रण गर्छ।’

नेपाल आयल निगम र भारतीय आयल निगमबीच नेपाल भारत क्रसबोर्डर पेट्रोलियम पाइपलाइन निर्माणका लागि सन् २००४ मा सम्झौंता भएको थियो। एक दशकसम्म सुरु हुन नसकेको परियोजना २०७२ भदौमा पुनः अघि बढेको थियो। त्यसबेला तत्कालिन आपूर्तिमन्त्री सुनील थापा र भारतका पेट्रोलियम तथा प्राकृतिक ग्यासमन्त्री धर्मेन्द्र प्रधानबीच सम्झौता भएको थियो।

पाइपलाईन निर्माणको नेपाल र भारतका प्रधानमन्त्रीले संयुक्त रुपमा शिलान्यास गरेका थिए। तर, २०७४ पुसमा मात्र भारतीय आयल निगमले मोतिहारी डिपोबाट पाइपलाइन निर्माण थाल्यो। १८ महिनापछि असारमा पाइपलाइन निर्माण सम्पन्न भएको छ। नेपालमा पाइपलाइनबाटै पेट्रोलियम पदार्थको ढुवानी हुने यो पहिलो परियोजना हो।

पाइपलाइनको औपचारिक उद्घाटन भएपछि मात्र पाइपलाइनमार्फत डिजलको नियमित आपुर्ति हुने छ। सम्झौंताको दुई वर्षपछि २०७४ पुसबाट भारतीय आयल निगमले मोतिहारी डिपोबाट पाइपलाइन निर्माण गरेको थियो। निर्माण सुरु भएको अठार महिनापछि गत असारमा पाइपलाइन निर्माणको कार्य सकिएको हो। 

नरेश सर्राफ

नरेश सर्राफ द नेपाल टपका लागि वीरगन्ज संवाददाता हुन् ।

images
images
images
सम्बन्धित समाचार

श्रीमानको हत्या गराउन पेशेवरलाई पैसा दिएपछि...

श्रीमानको हत्या गराउन पेशेवरलाई पैसा दिएपछि...

जनकपुरधाम : एक महिलाले आफ्नै श्रीमानको हत्या गराउन पेशेवर अपराधीलाई साढे ४ लाख रुपैयाँ दिएको खुलेको छ। महोत्तर..

रोकिएन विषालु सर्पको तस्करी : सिरहा र सप्तरीका सपेराहरु विषालु सर्प समात्न व्यस्त 

रोकिएन विषालु सर्पको तस्करी : सिरहा र सप्तरीका सपेराहरु विषालु सर्प समात्न व्यस्त 

दिनेश्वर गुप्ता लहान : बढ्दो गर्मीसँगै मधेशमामा अवैधरुपमा विषालु सर्पको चोरी निकासी बढ्न थालेको छ । योसँगै वि..

विश्व हिन्दु परिषद् भन्छ, ‘हिन्दुहरु जागरुक नभएका कारण सनातन धर्ममाथि प्रहार भयो’

विश्व हिन्दु परिषद् भन्छ, ‘हिन्दुहरु जागरुक नभएका कारण सनातन धर्ममाथि प्रहार भयो’

वीरगञ्ज : विश्व हिन्दु परिषद पर्साले आफ्नो ५५ औँ अन्तर्राष्ट्रिय स्थापना दिवस वीरगञ्जमा धुमधामका साथ मनाएको छ..

१ लाख ९० हजार भारतीय नोटसहित वीरगञ्जबाट दुई जना पक्राउ 

१ लाख ९० हजार भारतीय नोटसहित वीरगञ्जबाट दुई जना पक्राउ 

वीरगञ्ज : जिल्ला प्रहरी कार्यालय पर्साले भारतीय जाली नोटसहित दुई जनालाई पक्राउ गरेको छ ।  प्रहरीको अपराध नि..

अनेरास्ववियुका केन्द्रीय अध्यक्ष ऐन महर सर्लाहीमा 

अनेरास्ववियुका केन्द्रीय अध्यक्ष ऐन महर सर्लाहीमा 

काठमाडौं : अनेरास्ववियुमा प्रवेश गर्न आउने विभिन्न विद्यार्थी नेताहरुलाई संगठनमा प्रवेश गराउनका लागिका अनेरास्..

कैदीबन्दीलाई सरुवा नगरेको भन्दै वीरगञ्जमा बम विस्फोट, तीन पक्राउ 

कैदीबन्दीलाई सरुवा नगरेको भन्दै वीरगञ्जमा बम विस्फोट, तीन पक्राउ 

वीरगञ्ज : वीरगञ्जको विर्ता र माइस्थानमा क्षेत्रमा बम विस्फोट घटनामा संलग्न तीन जनालाई प्रहरीले पक्राउ गरेको छ..