वीरगञ्ज : अख्तियार दुरुपयोग अनुसन्धान आयोगले बाराको कलैया उपमहानगरपालिकाका २ जना इन्जिनियरविरुद्ध भ्रष्टाचार मुद्दा दायर गरेको छ। अख्तियारले इन्जिनियरद्वय किशोर यादव र माधव प्रसाद यादवविरुद्ध विशेष अदालतमा भ्रष्टाचार मुद्दा दायर गरेको हो।
दुवै जनाविरुद्ध ५ लाख ७१ हजार २ सय ६९ रुपैयाँ बिगो, ३ वर्षसम्म कैद र ५० हजार जरिवाना मागदाबी गरेको छ। कलैया उपमहानगरपालिका–२१ भोडहादेखि तपी माध्यमिक विद्यालयदेखि मदिलवासम्मको सडक ढलान गर्ने क्रममा अनियमितता गरेको पुष्टि भएको भन्दै अख्तियारले दुवै जना इन्जिनियरविरुद्ध भ्रष्टाचार मुद्दा गरेको हो।
