नयाँ दिल्ली– नयाँ दिल्लीस्थित चिनियाँ राजदुतावासले भारतलाई कोरोनाविरुद्धको लडाईंमा साथ दिएकोमा धन्यवाद ज्ञापन गरेको छ ।
प्रवक्ता जी रोंगले एक वक्तव्य जारी गर्दै भारतलाई कोरोनाविरुद्धको लडाईंमा साथ दिएकोमा धन्यवाद ज्ञापन गरेका हुन् ।
उनले भारतले चीनमा कारोनासम्वन्धि मेडिकल सामाग्री निरन्तर पठाएकोले धन्यवाद ज्ञापन गरेका हुन् । उनले भारत र चीन कारोना नियन्त्रणको दौरान निरन्तर संवाद र सम्पर्क रहेको जनाउँदै चिनियाँ जनतालाई कोरोनाको महाव्याधीसँग लड्न भारतको खेलेको भूमिका प्रशंसनीय रहेको बताएका छन् ।
वक्तव्यमा रोगले भारत र चीन व्रिक्स, जी २० लगायतका फोरमहरू एकै साथ रहेको भन्दै भारत र चीनको सहकार्य जारी रहने बताएका छन् । उनले भारतीय जनता कोरोनाको विरुद्धको लडाईंमा सफल हुने विश्वास व्यक्त गर्दै शुभकामना समेत व्यक्त गरेका छन् ।
