काठमाडौं : देशको सबैभन्दा ठूलो तरकारी बजार कालिमाटी फलफूल तथा तरकारी बजार यति खेर बन्द छ ।
कोरोनाभाइरस (कोभिड–१९) को माहामारी नियन्त्रणका लागि सरकारले लकडाउन घोषणा गरेपछि कालिमाटी तरकारी बजार बन्द भएको हो ।
तर, जिल्ला प्रशासन कार्यालय काठमाडौंले कालिमाटी तरकारी बजार दैनिक सात घण्टा खोल्न आग्रह गरेको छ ।
प्रशासनले तरकारीको अभाव देखिएकाले बजार खोल्न कालिमाटी फलफूल तथा तरकारी विकास समितिलाई आग्रह गरेको हो । प्रशासनको आग्रहसँगै हरेक दिन बिहान ३ बजेदेखि ७ बजेसम्म र साँझ ५ देखि ८ बजेसम्म बजार खुला हुनेछ ।
फोटो : बिनोद थापा