साझा अभियानमा एक भएर लागौँ : मुख्यमन्त्री शाही


कर्णाली : कर्णाली प्रदेशका मुख्यमन्त्री महेन्द्रबहादुर शाहीले कोरोना भाइरसविरुद्धको अभियानमा एक भएर लाग्न कर्णालीवासीलाई अपिल गरेका छन । शुक्रबार सम्बोधन गर्दै मुख्यमन्त्री शाहीले महामारीका रुपमा फैलिएको कोभिड–१९ रोकथाम तथा नियन्त्रणका लागि प्रदेश सरकारले रु ५० करोड विपद् व्यवस्थापन कोष खडा गरेको जानकारी दिए ।

मुख्यमन्त्री शाहीले भने, “कोरोनाको प्रतिकार्यका लागि कोषमा मलगायत मेरो मन्त्रिपरिषद्का सदस्यले एक महिनाको पारिश्रमिक जम्मा गरेका छौँ । जनप्रतिनिधि, राष्ट्रसेवक, उद्योगी÷व्यवसायी एवं अन्य इच्छुक व्यक्ति तथा सङ्घसंस्थालाई उक्त कोष वृद्धिका लागि सहयोग गर्न आह्वान गर्छु ।”

सम्भावित जोखिमलाई रोकथाम गर्न थालेको प्रयासमा सहयोगका लागि सम्पूर्ण नागरिकमा अपिल गर्दै उहाँले छिमेकी मुलुक भारत र अन्य देशबाट आएकालाई १४ दिन अन्य मानिसको सम्पर्कबाट टाढा रही आफू र आफ्नो परिवार तथा समाज सङ्क्रमणबाट बचाई जिम्मेवार नागरिकको भूमिका निर्वाह गर्न आग्रह गरे ।

उनले यस्तो परिस्थितिमा कोहीकसैलाई नडराउन तर सचेतना अपनाउन सुझाउँदै आत्तिएर नभई धैर्यताका साथ आ–आफ्नो ठाउँबाट साथ दिन अनुरोध गरे । मुख्यमन्त्री शाहीले अग्रपङ्क्तिममा खटिएर काम गर्ने चिकित्सक एवं स्वास्थ्यकर्मीलाई उच्च मनोबलका साथ काम गर्ने वातावरण निर्माणका लागि आम नागरिकलाई आग्रह गर्दै हेल्थ डेस्क, क्वारेन्टाइन र आइसोलेसनमा खटिने सुरक्षाकर्मीका लागि शुरु तलब स्केल बराबरको ५० प्रतिशत र स्वास्थ्यकर्मीका लागि शतप्रतिशत प्रोत्साहन भत्ता उपलब्ध गर्ने जनाए ।

उनले ज्वरो आउने, सुक्खा खोकी लाग्ने, मांसपेशी दुख्ने, श्वास फेर्न गाह्रो हुने, थकाइ लागेमा नजिकको स्वास्थ्य संस्था वा हेल्थ डेस्कमा सम्पर्क गर्न अनुरोध गरे । प्रदेश सरकारले कोरोनाबाट प्रभावितको उद्धारका लागि १११० नंको हटलाइन सेवा शुरु गरेकाले अप्ठ्यारो र समस्या पर्दा त्यसमा सम्पर्क गर्न सकिने जनाएको छ ।

प्रतिक्रिया दिनुहोस्
मुख्य समाचार

काठमाडौं– लकडाउनको मौका छोपी रातको समयमा बिगत केही समय देखी काठमाडौं उपत्यकाभित्र रहेका बिभिन्न स्थानमा

काठमाडौं : लोक सेवा आयोगले राजपत्रांकित प्रथम श्रेणीका विज्ञापनको अन्तर्वार्ताको सूचना सार्वजनिक गरेको छ। आयोगको

काठमाडौं : आज थप १३ जनामा कोरोना भाइरसको संक्रमण देखिएको छ। नवलपरासी, पाल्पा, कपिलवस्तु, रुपन्देही

काठमाडौं : नेपालका ८२ जनामा डेंगुको संक्रमण भएको छ। पुस महीनायता ८२ जनामा डेंगु संक्रमण

जनकपुरधाम– प्रदेश नम्बर २ मा पछिल्लो २४ घण्टामा ८२ जना व्यक्तिहरुमा कोरोना संक्रमणको पुष्टि भएको

काठमाडौं– कोरोना भाइरसको महामारीका कारण विश्वयति बेला त्रसित छ । सन् २०१९ को डिसेम्बरको अन्तिमबाट

काठमाडौं : देशभर अहिलेसम्म १ लाख ८५ हजार ६ सय ६० जनामा कोरोना भाइरसको नमुना

काठमाडौं : नेपालमा अहिलेसम्म २ सय २१ जना कोरोना संक्रमित निको भएर घर फर्किएका छन्।

वीरगन्ज– भारतले आफनै देशको नागरिकलाई प्रवेशमा कडाई गरेपछि वीरगन्जको अलौंस्थित एकिकृत चेकजाँच चौकी (आईसीपि) मा

जनकपुरधाम– जनकपुरबाट हातहतियार सहित एक युवक पक्राउ परेको छ। जनकपुरधाम उपमहानगरपालिका वडा नम्बर–१७ स्थित रामलोचन

जनकपुरधामः समग्र विश्व अहिले कोरोना भाईरस महामारीको चपेटामा परेको छ । समाचार तयार पार्दासम्म विश्वका

काठमाडौं : कृषि तथा पशुपंक्षी विकास मन्त्रालयले कृषि सामग्रीको ढुवानी र बिक्रीवितरण नरोक्न आग्रह गरेको