सङ्क्रमण रोक्न स्थानीय तहको सक्रियता


नवलपरासीपूर्व नवलपुरका स्थानीय तह कोरोना भाइरसको सङ्क्रमण रोक्न लागिपरेका छन् । नवलपुरमा रहेका आठ वटै स्थानीय तहले लकडाउनको पालन गर्नका लागि आह्वान गर्नेदेखि क्वारेनटाइन निर्माणको कामलाई प्राथमिकता दिएका छन् ।

योसँगै स्थानीय तहले प्रचारप्रसारलाई पनि जोड दिएका छन् । कोरोनाबाट जोगिन अपनाउनुपर्ने सन्देशहरु प्रवाह गर्ने कामलाई स्थानीय तहले गरिरहेका छन् । जिल्लाका स्थानीय तहले वडावडासम्म पत्राचार गरी भारत तथा अन्य बाहिरी देशबाट भर्खरै आएकाको पहिचान गर्ने, परामर्श गरी क्वारेन्टाइनमा राख्ने काममा समेत जोड दिएका छन् ।

यी तहले हालसम्ममा ६१४ श्ययाको क्वारेनटाइन निर्माण गरेका छन् । नवलपुरको गैँडाकोट नगरपालिकाले २८ श्ययाको क्वारेनटाइन निर्माण गरेका छन् । देवचुली नगरपालिकाले ४०० श्ययाको क्वारेनटाइन निर्माण गरेको छ भने कावासोती नगरपालिकाले ५०, मध्यविन्दु नगरपालिकाले ११९ श्ययाको क्वारेनटाइन निर्माण गरेको छ ।

नवलपुरको विनयी त्रिवेणी गाउँपालिकाले १२ र हुप्सेकोट गाउँपालिकाले पाँच श्ययाको क्वारेनटाइन निर्माण गरेको प्रमुख जिल्ला अधिकारी पिताम्बर घिमिरेले जानकारी दिनुभयो । कोरोनाको सङ्क्रमण रोक्ने पूर्वतयारीस्वरुप सबै स्थानीय तहमा सूरक्षा सतर्कताका लागि क्वारेन्टाइन निर्माणको काम चलिरहेको प्रमुख जिल्ला अधिकारी घिमिरेले बताए।

कोरोनासँग सम्बन्धित सबै तथ्याङ्क सङ्कलन गर्ने काम शुरु गरिएको र सोही आधारमा थप योजना निर्माण गर्दै जाने उनले बताए।

विदेशबाट आउनेको लगत सङ्कलन र उनीहरूलाई क्वारेन्टाइनमा राख्ने कामलाई जोड दिइएकोे गैँडाकोट नगरपालिका प्रमुख छत्रराज पौडेलले बताए। वडावडामा जनप्रतिनिधिको पहलमा भारत तथा विदेशबाट चैत १ देखि यता आएका व्यक्तिको पहिचान गर्ने उनीहरुलाई क्वारेन्टाइनमा राख्ने कार्य गर्न लागिएको प्रमुख पौडेलले बताए।

कावासोती नगरपालिकाले समेत नगरका १७ वडाबाट हालसम्म विदेशबाट आएका ३५६ जनाको पहिचान गरेको छ । जसमध्ये तीन जना वडामा निर्माण गरेको क्वारेन्टाइनमा छन् । बाँकी सबै ३५३ जनालाई होम क्वारेन्टाइनमा बस्न भनेको कावासोती नगरपालिका प्रमुख प्रशासकीय अधिकृत कीर्तनराज पौडेलले बताए।

स्थानीय तहहरुले स्थापना गरेका जिल्लाभरिका क्वारेन्टाइनमा हाल ५३ जना रहेका छन् । ती सबै विदेशबाट आएका व्यक्ति भएको जिल्ला स्वास्थ्य कार्यालयका कोरोना फोकल व्यक्ति डिल्लीराम तिवारीले बताए।

प्रतिक्रिया दिनुहोस्
मुख्य समाचार

वीरगन्ज– वीरगन्जको नेशनल मेडिकल कलेज तथा शिक्षण अस्पतालमा एक ७० वर्षीय बृद्धको कोरोना संक्रमणका कारण

वीरगञ्ज : नारायणी अस्पतालको आइसोलेसन वार्डबाट सोमबार दुई पत्रकारसहित ४३ जना कोरोना संक्रमित निको भएर

रुकुम पश्चिमः भेरी नदीको किनारमा फेरि एक युवकको शव फेला परेको छ । रुकुम पश्चिमको

काठमाडौं : प्रधानमन्त्री केपी शर्मा ओलीले निरोगी नेपाल निर्माणको आह्वान गरेका छन् । सोमबार साँझ

काठमाडौंः प्रधानमन्त्री केपी शर्मा ओलीले कोरोना भाइरसको महामारीका कारण रोकिएको एसइई बारे छिट्टै निर्णय हुने

काठमाडौं : प्रधानमन्त्री केपी शर्मा ओलीले दुई प्रतिशत जनतामा कोरोनाभाइरस (कोभिड–१९)को परीक्षण विस्तार गरिने बताएका

काठमाडौं : देशभर अहिलेसम्म १ लाख ४६ हजार ८ सय ३४ जनामा कोरोना भाइरसको नमुना

काठमाडौं : प्रतिनिधिसभाको कानुन, न्याय तथा मानवअधिकार समितिले एकल महिलाको भत्ता कटौती नगर्न सरकारलाई निर्देशन

काठमाडौं: राष्ट्रिय मानव अधिकार आयोगले सीमा क्षेत्रमा बसोबास गर्ने नेपाली नागरिकको मानव अधिकार संरक्षण गर्न

काठमाडौं : बुढानिलकण्ठ नगरपालिकाका कोरोना संक्रमण देखिएका व्यक्ति ‘निजी एम्बुलेन्स’ सञ्चालक भएको खुलेको छ ।

काठमाडौं : गोकर्णेश्वर नगरपालिका–७ शिवचोकस्थित सात घर सिल गरिएको छ । स्थानेश्वर मार्गमा बस्ने ३५

काठमाडौं : डा. गोविन्द केसीले दार्चुला जिल्लामा दुई दिने सत्याग्रह गर्ने घोषणा गरेका छन्।उनले सोमबार