म्याग्दी : कोरोनाभाइरस नियन्त्रण अभियानअन्तर्गत् शनिबार म्याग्दीको सदरमुकाम बेनीबजारका सडकमा कीटनाशक औषधि छरिएको छ ।
दमकलको प्रयोग गरी बेनी बजारभित्र र आसपासका सडकमा पानीमा क्लोरिन मिसाएर बनाइएको कीटनाशक औषधि छरिएको हो । सडकहरुमा कोरोना संक्रमित व्यक्तिहरु आवतजावत गरेको हुनसक्ने भएकाले औषधि छरिएको हो ।
बेनीबजार क्षेत्रसँगै मानिसहरुको आवतजावत बढी हुने क्षेत्र र बाक्लो बस्ती भएका स्थानका ग्रामीण सडकहरुमा समेत कीटनाशक औषधि छर्ने योजना रहेको जनाइएको छ । रासस
