काठमाडौं : विश्व अहिले अदृश्य महामारी रोगसँग जुध्दै छ । यहीँ अदृश्य महामारी कोरोनाभाइरस (कोभिड–१९)को संक्रमणबाट कंगोका पूर्वराष्ट्रपति ज्याकुज जोकुम योम्बी ओपांगोको मृत्यु भएको छ ।
लामो समयदेखि स्वास्थ्य समस्याका कारण फ्रान्स र कंगो गरिरहेका ओपांगोकोको ८१ वर्षको उमेरमा पेरिस अस्पतालमा सोमबार मृत्यु भएको हो ।
योम्बीका छोराले यसअघि नै अन्तर्राष्ट्रिय मिडियालाई बाबुलाई कोरोना संक्रमण भएको जनाएका थिए ।
उत्तरी कंगोको कुभेत्ते क्षेत्रमा जन्मिएका योम्बी पहिले सैनिक अधिकृत थिए ।
पछि मात्रै तत्कालिन राष्ट्रपति मरियन न्गुअबीलाई अपधस्थ गरी सत्तामा आएका हुन् । कु गरेको भन्दै योम्बी ओपांगो १९८७ देखि १९९० सम्म जेलजीवत समेत बिताए ।
तत्कालिन राष्ट्रपति लिस्सउबासँग एकता गरी १९९४ देखि १९९६ सम्म प्रधानमन्त्री बनेका थिए ।
जब कंगोमा गृहयुद्ध भयो त्यसपछि उनी १९९७ मा फ्रान्समा निर्वासनका लागि गएका थिए । २००७ मा मात्रै उनी कंगो फर्किएका हुन् ।
