काठमाडौं– सरकारले कोरोना रोकथाम र नियन्त्रणका लागि स्वास्थ्य सामग्री तथा उपकरण ल्याउने जिम्मा नेपाली सेनालाई दिएकोमा समाजवादी पार्टी नेपालका संघीय परिषद अध्यक्ष बाबुराम भट्टराईले प्रश्न उठाएका छन् ।
उनले ट्वीट गर्दै भाइरस मार्ने बन्दुक र गोलीले हैन होला! अनि सरकारले किन चीनबाट स्वास्थ्यसामाग्री किन्न सेनालाई अघि सारेको होला? भनेर प्रश्न गरेका हुन् ।
‘के वाणिज्य,आपूर्ति लगायतका निजामति निकाय छैनन्? जी–टू–जी विधिबाट पहिल्यै किन नल्याएको?के सेना अख्तियारको दायरामा पर्दैन भनेर हो?चोरको खुट्टा काट् भन्दा किन खुट्टा तानेको?’– उनले लेखेका छन् ।
स्वास्थ्य उपकरण ल्याउने क्रममा अनियमितता भएपछि सरकारले सेना रोजेको हो। चीनबाट पहिलो चरणमा स्वास्थ्य सामग्री खरिद गरेर ल्याएको ओम्नी समूहले औषधि ल्याउन नसकेको भन्दै सरकारले बुधबार सम्झौता रद्द गरेको थियो।
