एजेन्सी : ला लिगाअन्तर्गत गएराती भएको खेलमा रियल म्याड्रिडले एट्लेटिको म्याड्रिडलाई पराजित गरेको छ ।
एट्लेटिकोको घरेलु मैदानमा भएको खेलको १६ औं मिनेटमा रियलले क्यासेमिरोको गोलमा अग्रता लिएको थियो । त्यसको ९ मिनेटमा नै एन्टोइन ग्रिज्मनले गोल गर्दै खेल बराबरीमा ल्याए ।
पहिलो हाफको ३ मिनेट समय बाँकी रहँदा रियलका कप्तान सर्जियो रामोसले गोल गरे । खेलको ७४ औं मिनेटमा ग्यारेथ बेलले गोल गर्दै टिमको जित सुनिश्चित गरे ।
जितसँगै रियल लिगको अंक तालिकामा दोस्रो स्थानमा उक्लिएको छ । रियलले २३ खेलमा ४५ अंक बनाएको छ । तेस्रो स्थानमा रहेको एट्लेटिकोको समान खेलबाट ४४ अंक छ ।