नयाँ दिल्ली: भारतका प्रधानमन्त्री नरेन्द्र मोदी फेब्रुअरी २१ देखि दक्षिण कोरियाको भ्रमणमा जाने भएका छन् । दक्षिण कोरियाका राष्ट्रपति मुन जाए इनको नियन्त्रणामा मोदी दुई दिने भ्रमणका लागि दक्षिण कोरिया जान लागेको विदेश मन्त्रालयले जनाएको छ ।
दुई पक्षीय उच्चस्तरीय भ्रमण आदानप्रदान गर्ने नीतिअनुसार मोदी अहिले दक्षिण कोरिया जान लागेको अधिकारीहरुले जनाएका छन् । दक्षिण कोरियाली राष्ट्रपति मुन यसअघि सन् २०१८ को जुलाईमा भारत भ्रमणमा आएका थिए ।
मोदीको भ्रमणका क्रममा मोदी र मुनका बीचमा दुई पक्षीय सम्वन्ध, अन्तर्राष्ट्रिय राजनीति, साझा स्वार्थ, सहयोग तथा सहकार्यलगायतका विषयमा छलफल हुने अधिकारीहरुले जनाएका छन् ।
