दैलेखका युवा चढेको बसमा फर्किएका बर्दियाका ९ जनाको पहिचान, ३ गाउँ सिल


बर्दियाः कोरोना भाइरस संक्रमण पुष्टि भएका दैलेख आठबीस नगरपालिका १ सात्तलाका युवालाई दैलेख सात्तला पुर्याएर फर्केको बसमा बर्दिया ठाकुरबाबा नगरपालिकाका ९ जना फर्किएको बताइएको छ ।

उनीहरु सबैको पहिचान भइसकेको छ । उनीहरु सबै ठाकुरबाबा नगरपालिका वडा नं.२, ३ र ५ का बासिन्दा हुन् । ठाकुरबाबा नगरपालिका वडा न.२ कर्मलाका ७ जना, वडा नं.३ नेउलापुरका एक जना र वडा नं.५ बनबिरपुरका १ जना रहेको ठाकुरबाबा नगरपालिकाले जनाएको छ ।

ठाकुरबाबा विपद व्यवस्थापन समिति अन्तर्गत संकट व्यवस्थापन केन्द्रको निर्णय अनुसार अहिले उनीहरुको घर रहेको कर्मला गाउँ, नेउलापुर गाउँको उत्तरजब्दा र बनबिरपुर गाउँमा आवत जावत निषेध गरिएको छ ।

दैलेखबाट घर फर्किएका सबैलाई सेल्फ क्वरेन्टाइनमा बस्न लगाइएको छ । घरका सदस्यहरुलाई पनि सर्तकता अपनाउन भनिएको नगरपालिकाका प्रशासकीय अधिकृत रामहरि रिजालले जानकारी दिए । पीसीआर परीक्षणका लागि ९ जनाको स्वाब संकलन गर्न स्वास्थ्य कार्यालय गुलरियामा अनुरोध गरिएको ठाकुरबाबा नगरपालिका स्वास्थ्य शाखाका प्रमुख इन्द्र राजवंशीले बताए ।

दैलेखका ३९ जना युवा भारतको आगरा कञ्चनपुर बनबासा नाका हुँदै आएका थिए । सीमा नाकामा अलपत्र परेपछि दैलेखको आठबीस नगरपालिकाले उनीहरुलाई जेठ १ गते उद्धार गरी दैलेखको सात्तला पुर्याएको थियो ।

दैलेख सात्तला पुर्याएर फर्कन लागेको बसमा बर्दिया ठाकुरबाबाका ९ जना घर आएका थिए । यतिबेला नगरपालिकामा पनि उच्च सर्तकता अपनाइएको छ ।

संक्रमण फैलिन नदिन सतर्कता अपनाइएको ठाकुरबाबा नगरपालिकाका प्रमुख घननारायण श्रेष्ठले बताए । इलाका प्रहरी कार्यालय भुरिगाउँले संक्रमण फैलिन नदिन अर्को सूचना नआउँदासम्मका लागि कर्मला, बनबिरपुर र नेउलापुर उत्तर जब्दा गाउँ टोल सिल भएको सम्बन्धमा ‘माइकिङ’ गर्दै सूचना प्रवाह गरिरहेको छ ।

प्रतिक्रिया दिनुहोस्
मुख्य समाचार

काठमाडौं– काठमाडौंमा भूकम्पको धक्का महशुस भएको छ । शनिबार राति धादिङ केन्द्र विन्दु भई ४.८

काठमाडौं– क्षेत्रपाटीस्थित ढल्कु क्षेत्रबाट दुई चिनियाँ नागरिकलाई प्रहरीले नियन्त्रणमा लिएको छ। नेपाली युवतीलाई जिस्काएको र

वीरगन्ज– प्रदेश २ को एकमात्र महानगरपालिका वीरगन्जमा दुईदिन देखि फोहोर व्यवस्थापन नहुँदा पुरै शहर नै

जनकपुरधामः प्रदेश नं.२ का आर्थिक मामिला तथा योजना मन्त्री विजय कुमार यादवले कोरोना महामारीको यस

काठमाडौं : देशभर अहिलेसम्म १ लाख ७३ हजार ७ सय ८४ जनामा कोरोना भाइरसको नमुना

काठमाडौं : नेपालका ७७ जिल्लामध्ये ५३ जिल्लामा कोरोना भाइरस फैलिएको छ । आजसम्म ५३ जिल्लामा

काठमाडौं : थप १८९ जनामा कोरोना पुष्टि भएको छ। पछिल्लो २४ घन्टामा देशका विभिन्न प्रयोगशालामा

काठमाडौंः कोरोना भाइरस (कोभिड-१९) बाट विश्वभर मृत्यु हुने व्यक्तिको संख्या ३ लाख ६६ हजार ९२८

सिरहा : सिरहामा शनिबार थप ११ जनामा कोरोना संक्रमण पुष्टि भएको छ । लहान नगरपालिकाका

काठमाडौं– नेपाली सेनाले अवकाशप्राप्त उपरथी सुधीर श्रेष्ठसहित नौ जनालाई आर्थिक अनियमिता गरेको ठहर गर्दै कारवाही

दैलेख : भारतबाट फर्किएर क्वारेन्टाइनमा बसेका दैलेखका एक युवकको मृत्यु भएको छ । दुल्लु नगरपालिका–११

काठमाडौंः कोरोना भाइरस महामारीका कारण जारी लकडाउ जेठ भर सरकारले लम्ब्याउने तयारी गरेको छ ।