धनुषा : भन्सार छली ल्याएको भारतबाट करिब ३ लाख १५ हजार रुपैयाँ बराबरको विभिन्न सामान सहित प्रहरीले २ जनालाई पक्राउ गरेको छ। महोत्तरी जलेश्वर नगरपालिका-११ बस्ने ३४ वर्षीय जितेन्द्र कुमार साह समेत २ जनालाई प्रहरीले पक्राउ गरेको हो।
भारतबाट नेपालतर्फ आउँदै गरेको ज.७ प ४०६१ र ज.६ प ६०९७ नम्बरको मोटरसाइकललाई जिल्ला प्रहरी कार्यालय धनुषाबाट खटिएको प्रहरीले जाँच गर्दा भन्सार छली ल्याएका राजनिवास २ सय १० थान, पानपराग पत्ती १ सय थान, खाने तेल २५ बोतल र उक्त मोटरसाइकल सहित उनीहरुलाई प्रहरीले पक्राउ गरेको हो ।
उनीहरुलाई आवश्यक कारबाहीको लागि भन्सार कार्यालयमा पठाइएको जिल्ला प्रहरी कार्यालय धनुषाले जनाएको छ ।
