प्रदेश २ मा पछिल्लो २४ घण्टामा ५६ जनामा कोरोना संक्रमण पुष्टि


जनकपुरधाम– प्रदेश नम्बर २ मा पछिल्लो २४ घण्टामा ५६ जना ब्यक्तिहरुमा कोरोना संक्रमणको पुष्टि भएको छ । जसअन्र्तगत रौतहट जिल्लामा ३५ जना, बारा जिल्लामा ८ जना, सप्तरी जिल्लामा ११ जना र सिरहा जिल्लामा २ जनामा कोरोना संक्रमण पुष्टी भएको हो ।

रौतहट जिल्लाको देवाही गोनाही नगरपालिका वडा नम्बर ७ र ८ का क्रमशः २१ बर्षिय र ३५ बर्षिय पुरुष, सोही जिल्लास्थित गौर नगरपालिकामा रहेको जुद्धोदय माध्यमिक विद्यालयको क्वारेन्टाईनमा रहेको ८ जना पुरुष,कठहरिया नगरपालिका वडा नम्वर ३ का ३६ र ३७ बर्षिय पुरुष,इशनाथ नगरपालिकाको जोकाहास्थित मस्तिजमा निर्माण गरिएको क्वारन्टाईनमा रहेका बर्ष १३ र ३५ का पुरुष तथा सोही नगरपालिकाको जनता माध्यमिक विद्यालयको क्वारेन्टाईनमा रहेका १७ बर्ष, १९ बर्ष र २० बर्षिय ३ जना पुरुष तथा २१, २२, २४, २७, ३४, ३८, ३५, ४८ र ५० बर्षिय पुरुषहरुमा कोरोना संक्रमणको पुष्टि भएको हो । रौतहट जिल्लामा संक्रमण पुष्टि भएका व्यक्तिहरु छिमेकी मुलुक भारतका विभिन्न स्थलहरुबाट नेपाल आएको सामाजिक विकास मन्त्रालयका सचिव डाक्टर रामप्रसाद घिमिरेले बताए ।

बारा जिल्लाको पचरौता नगरपालिका वडा नम्वर १ मा रहेको क्वारेन्टाईनमा गरिएको स्वाव संकलनको परिक्षण पश्चात १ महिला र ७ जना पुरुषहरुमा कोरोना संक्रमणको पुष्टि भएको छ । जसअनुसार रौतहट जिल्ला घर भई बारा जिल्लामा बस्दै आएकी ५२ बर्षिय महिलामा कोरोना संक्रमण पुष्टी भएको हो । त्यसैगरी पचरौता नगरपालिका वडा नम्वर १ को क्वारेन्टाईनमा रहेका क्रमश ः २२, २९, ३०, ३५, ३८, ४० र ४१ बर्षिय पुरुषहरुमा कोरोना संक्रमण पुष्टि भएको हो । बारा जिल्लामा संक्रमण पुष्टि भएकी ५२ बर्षिय महिला बाहेकका ७ जना पुरुषहरु पनि छिमेकी मुुलुक भारतको विभिन्न स्थानबाट आएको उनले बताए ।

सिरहा जिल्लामा संक्रमण पुष्टी भएका क्रमशः ३५ र ३९ बर्षिय पुरुषहरुको स्थायी ठेगाना सप्तरी जिल्लाको रुपनी गाउँपालिका र ओखलढुंगा जिल्लाको सिद्धिचरण नगरपालिका रहेको खुल्न आएको छ र दुवै जना पुरुषहरु पेशागत कार्यका लागि हाल सिरहामा बस्दै आएको बताईएको छ ।
सप्तरी जिल्लामा भने बलान बिहुल गाउँपालिकामा १७ बर्षिय महिला र २९ बर्षिय पुरुष, बोदेबर्साइन नगरपालिकामा क्रमश ः १८ बर्षको १ जना, १९ बर्षका २ जना, २० बर्षका २ जना तथा २१, २८ र ५१ बर्षका पुरुषहरुमा कोरोना संक्रमण पुष्टि भएको छ । त्यसैगरी सप्तरी जिल्लाकै सुरुङ्गा नगपालिकामा २९ बर्षिय पुरुषमा समेत कोरोना संक्रमणको पुष्टि भएको हो ।

पछिल्लो २४ घण्टामा संक्रमित भएका ५६ जनासँगै प्रदेश नम्बर २ मा हालसम्म कोरोना संक्रमण पुष्टि भएका ब्यक्तिहरुको संख्या ३ सय २४ पुुगेको छ ।

पछिल्लो २४ घण्टामा संक्रमण पुष्टि भएका तथा यस प्रदेश संक्रमण देखिएका अधिकांश व्यक्तिहरु यूवा उमेर समुहको रहेका सचिव घिमिरेले जानकारी दिए । आवत जावत र हिँडडुल बढी गर्ने उमेर समुह भएका कारण यूवाहरुमा कोरोना संक्रमण बढी देखिएको हो । युवा उमेर समुहबाट नै संक्रमण बढी फैलने जोखिम रहेपनि यसको सवैभन्दा बढी असर ज्येष्ठ नागरीक र दीर्घरोगबाट पीडितहरुले झेल्नु परिरहेको छ । छिमेकी मुलुक भारत वा जोखिमपूर्ण कुनैपनि स्थलबाट आएकाहरुलाई उच्च सतर्कता र सावधानी अपनाउँदै स्थानीय क्वारेन्टाईनमा बसिदिन समेत उनले अनुरोध गरे ।

प्रदेश नम्बर २ मा कोरोना संक्रमण उच्च हुँदै गएपछि थप जोखिमहरु पनि बढेका छन् । नेपालमा कोरोना जित्न सफल भएकाहरुको अधिकांश संख्या यसै प्रदेशमा रहेको छ । नेपालमा हालसम्म १ सय ५५ जनाको उपचार पश्चात कोरोना संक्रमण निको भएर अस्पतालबाट डिस्चार्ज भएको तथ्याकं छ । जसमा ९३ जना ब्यक्तिहरु यस प्रदेशबाट नै डिस्चार्ज भएका छन् । यस प्रदेशमा डिस्चार्ज भएका ९३ जना ब्यक्तिहरु नारायणी अस्पताल र गण्डक अस्पताल बीरगंज पर्साबाट डिस्चार्ज भएका हुन् । आत्मबल, समयमै सतर्कता र चेकजाँच तथा उपचारबाट कोरोना संक्रमण मुक्त हुन सकिन्छ भन्ने तथ्य अस्पतालबाट डिस्चार्ज भएका ब्यक्तिहरुको उमेर समुह र अवस्थाले स्पष्ट पारेको सचिव घिमिरेले बताए । विशेषगरी बीरगंजको नारायणी र गण्डक अस्पतालमा भर्ना भएका केही संक्रमितहरु उच्च रत्तचाप र मधुमेह जस्ता रोगहरुबाट समेत पीडित रहेका थिए भने उमेर समुहका हिसावले शिशु समेत संक्रमित भएको अवस्था थियो ।

यस प्रदेशमा गत बैशाख १४ गते २ जना संक्रमितहरु उपचार पश्चात निको भएर डिस्चार्ज भएका थिए । पछिल्लो समय जेठ १० गते ९ जना र ११ गते १८ जना,१२ गते ४३ जना र १३ गते गण्डक अस्पताल बीरगंजबाट २१ जना उपचार पश्चात डिस्चार्ज भएका हुन् ।

त्यस्तै पिसिआर परिक्षण मार्फत संक्रमण प्रमाणित भएका १४ पुरुष र १ महिलागरी कुल १५ जना कोरोना संक्रमितहरुको सप्तरीको राजविराजस्थित गजेन्द्र नारायण सिंह सगरमाथा अस्पतालको आइसोलेसन कक्षमा उपचार भइरहेको छ । सिरहा जिल्लाको महेन्द्र गेनाई अस्पतालको आइसेलसन कक्षमा कोरोना संक्रमित ६ जना पुरुषहरुको उपचार भइरहेको छ । त्यसैगरी धनुषा जिल्लास्थित प्रादेशिक अस्पताल जनकपुरको आइसोलेसन कक्षमा २ महिला र २४ पुरुषगरी कुल २६ जना कोरोना संक्रमितहरुको उपचार भइरहेको छ ।

महोत्तरी जिल्लाको जलेश्वर अस्पतालको आइसोलेसन कक्षमा ३ जना कोरोना संक्रमितहरुको उपचार भइरहेको छ भने सर्लाहीको मंलगवामा रहेको अल्पमाई रामनारायण यादव नर्सिङ्ग कलेजको आइसोलेसन कक्षमा कोरोना संक्रमित १३ जना पुरुषहरुको उपचार भइरहेको छ । रौतहट जिल्लामा रहेको गौर नर्सिङ्ग इन्टिच्यूटको आइसोलेसन कक्षमा ३ महिला र २५ पुरुषगरी कुल २८ जना, रौतहट जिल्लाकै राजपुर फरहदवामा रहेको प्राथमिक स्वास्थ्य केन्द्रको आइसोलेसन कक्षमा २५ जना पुरुष र रौतहट जिल्लाको देवाही गोनाही नगरपालिकास्थित देवाही गोनाही पोलिटेक्निक ईन्स्टिच्यूट धरहरीमा १४ जना पुरुष कोरोना संक्रमितहरुको उपचार भइरहेको छ ।

बारा जिल्लाको कलैया अस्पतालको आइसोलेसन कक्षमा ३८ जना पुरुष र १ जना महिलागरी ३९ जना संक्रमितहरुको उपचार भइरहेको छ । पर्सा जिल्लामा २ महिला र ७ जना पुरुष गरी कुल ९ जना कोरोना संक्रमितहरुको बिरगंज महानगरपालिकास्थित गण्डक अस्पतालको आइसोलेसन कक्षमा उपचार भइरहेको छ ।

त्यसैगरी सप्तरी जिल्लाको गजेन्द्र नारायण सिंह सगरमाथा अस्पतालमा ३ जना, सिरहा अस्पताल सिरहामा ७ जना, बारा जिल्लास्थित कलैया अस्पतालमा २ जना, बारा जिल्लास्थित जितपुर उपमहानगरपालिकामा रहेको कोभिड १९ अस्थाई अस्पतालमा ५ जना, प्रादेशिक अस्पताल जनकपुरमा ५ जना र महोत्तरी जिल्लाको जलेश्वर अस्पतालमा ३ जना गरी कुल २५ जना कोरोना आशंकित बिरामीहरुको आइसोलेसन कक्षमा राखेर उपचार भइरहेको सचिव घिमिरेले जानकारी दिएका छन् ।

प्रतिक्रिया दिनुहोस्
मुख्य समाचार

काठमाडौं : शुक्रबार सातै प्रदेशका धेरैजसो स्थानहरूमा मेघगर्जन, चट्याङसहित हल्कादेखि मध्यम वर्षाको सम्भावना रहेको मौसम

काठमाडौं : बुधबार रातिदेखिको लगातारको झरीका कारण कालीगण्डकी नदिको बहाव बढेपछि विश्वकै ठूलो शालीग्राम शिला

काठमाडौं : नेपालमा बाढीपहिरोले र्‍याएको धनजनको क्षतिप्रति पाकिस्तानले दुःख व्यक्ति गरेको छ । पाकिस्तानका विदेशमन्त्री

काठमाडौं : भारतीय टेलिभिजन च्यानल जी न्यूजले नेपालका प्रधानमन्त्री केपी शर्मा ओली र चिनियाँ राजदूतबारे

काठमाडौँ : नेपाल आयल निगमले इन्धनको मूल्य पुनस् बढाएको छ । अन्तर्राष्ट्रिय बजारमा इन्धनको मूल्य

काठमाडौं– शुक्रबार नेपालमा कोरोनाभाइरसका १ सय १८ जना संक्रमित थपिएका छन्। योसँगै कोरोना संक्रमितको संख्या

काठमाडौं– लगातार वर्षाका कारण सप्तकोसी नदीमा पानीको बहाव बढेको छ । शुक्रबार बिहानसम्म सप्तकोसी ब्यारेज भएर

काठमाडौं : सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक एक साताको लागि स्थगित भएको छ

काठमाडौं : कोभिड–१९ को सङ्क्रमण रोकथामका लागि लागू गरिएको बन्दाबन्दीमा महिला तथा बालिकामाथि हुने हिंसाका घटनामा

काठमाडौंः नेपाल यातायात व्यवसायी राष्ट्रिय महासंघले यातायात संचालनको बारेमा बैठकपछि मात्र आधिकारिक धारणा दिने भएको

काठमाडौंः राष्ट्रिय मानव अधिकार आयोगका सदस्य मोहना अन्सारीले सरिता गिरीको कारवाहीप्रति टिप्पणी गरेकोमा आयोगले आपत्ति

काठमाडौं– नेपालमा बिहीबार १ सय ८ जना कोरोना संक्रमित थपिएका छन् ।योसँगै कोरोना संक्रमितको संख्या