कैलाली : बुधबार सुदूरपश्चिम प्रदेश सभामा सम्बोधनका क्रममा प्रधानमन्त्री ओलीले निर्मला पन्तका हत्यारा पत्ता लगाएरै छाड्ने दाबी गरेका छन् ।
कञ्चनपुरकी १३ वर्षीया बालिका पन्तको बलात्कारपछि हत्या भएको विषयलाई सरकारले गम्भीरतापूर्वक लिएको भन्दै प्रधानमन्त्री ओलीले सरकारले छानबिन समिति र विभिन्न टोली गठन गरी काम गरिरहेको बताए ।
प्रधानमन्त्री ओलीले सरकारले गठन गरेका केही आयोग र टोलीले अपेक्षाकृत काम गर्न नसकेको स्वीकार गर्दै अझै पनि अनुसन्धान भइरहेको र अपराधी छिट्टै पत्ता लगाउने आश्वासन दिए ।
