वीरगन्ज– लकडाउनले सम्पुर्ण क्षेत्रनै प्रभाति भइ रहेको बेला सिमित साधन श्रोतबाट उघोग संचालन गरि रहेका उघोगी सित स्थानीय जनप्रतिनिधिहरुले नै रङ्गदारी उठाउने गरेको आरोप लागेको छ ।
रङ्गदारी नदिँदा उघोगको कर्मचारी हरुमाथी कुटपिट गरी ज्यान मार्ने प्रयास र उघोगमा आउने कच्चापदार्थ ल्याउन अवरोध गर्ने गरेका छन् ।
बारा जितपुर सिमरा वडा न ५ स्थित बकुलियामा रहेको एडभान्स सिमेन्टमा गए राति कच्चापदार्थ लिएर आइरहेको ट्रक रोकी वडा न ५ का वडा अध्यक्ष मोहीत चौधरीले २०र२५ जना लिएर कर्मचारी, ट्रकका चालक सहचालक लाई नियन्त्रणमा लिएर कुटपिट गरेको र कर्मचारी सित रहेको करीब अढाई लाख रुपैया समेत लुटी लगेको कम्पनीका प्रशासकीय अधिकृत देबीलाल थापाले आरोप लगाउनु भयो ।
वडा अध्यक्ष चौधरीले पटक पटक विभिन्न बहानामा अनावश्यक पैसा माग्ने गरेको नदिदा धाकधम्कि दिई गुण्डाहरू नै लगाएर उद्योगमा सचालनमा अवरोध गर्ने गरेको उनको आरोप छ ।
वडा अध्यक्ष चौधरीले आफ्नो मर्यादा नै बिर्सेर शनिबार राती आफै गुण्डागर्दीमा उत्रिएर ज्यान लिने गरि नै म सहित हाम्रो ओभरसियर र ड्राइभर माथी आक्रमण गरेको प्रशासकिय अधिकृत थापाले बताए ।
उनले भने- ‘ज्यान मार्ने प्रयास र लुटपाट भए पछि जाहेरी लिएर आइतबार इलाका प्रहरी कार्यालय सिमरा पुगेका थियौ तर प्रहरी ले जाहेरी दर्ता गरेन उल्टै मिलापत्र गर्न दवाव दिई रहेको छ ।’
