प्रदेश २ः सोमबारसम्म ६ सय ९५ संक्रमित, ९९ जना नीको भएर घर फर्के


जनकपुरधाम– प्रदेश नम्बर २ मा पछिल्लो २४ घण्टामा ८२ जना व्यक्तिहरुमा कोरोना संक्रमणको पुष्टि भएको छ । जस अनुसार सप्तरी जिल्लामा १२ जना, सिरहा जिल्लामा ५ जना, धनुषा जिल्लामा ७ जना, महोत्तरी जिल्लामा २ जना, सर्लाही जिल्लामा ३८ जना र रौतहट जिल्लामा १८ जना व्यक्तिहरुमा संक्रमणको पुष्टी भएको हो ।

सप्तरी जिल्लाको राजगढ गाउँपालिकास्थित नरघो माध्यमिक विद्यालयमा रहेको क्वारेन्टाईनमा रहेका १ देखि १८ बर्ष उमेर समुहका १ जना, १८ देखि ४० बर्ष उमेर समुहका १० जना र ४० देखि ७० बर्ष उमेर समुहका १ जना पुरुषहरुमा कोरोना संक्रमणको पुष्टि भएको सामाजिक विकास मन्त्रालयका सचिव डाक्टर रामप्रसाद घिमिरेले जानकारी दिए । उनीहरु सबै छिमेकी मुलुक भारतबाट आएर नरघो माध्यमिक विद्यालयको क्वारेन्टाईनमा बस्दै आएको उनले बताए ।

सिरहा जिल्लामा भने सिरहा नगरपालिकास्थित सूर्य नारायण सत्य नारायण मरबैता क्याम्पसको होस्टेलमा सञ्चालित क्वारेन्टाईनमा बस्दै आएका १८ देखि ४० बर्ष उमेर समुहका २ जना र १८ देखि ४० बर्ष उमेर समुहका ३ जना पुरुषहरुमा कोरोना संक्रमणको पुष्टी भएको र उनीहरु पनि छिमेकी मुलुक भारतबाट आएर क्वारेन्टाईनमा बस्दै आएको सचिव घिमिरेले बताए ।

धनुषा जिल्लाको धनौजी गाउँपालिकास्थित शंकर माध्यमिक विद्यालयको क्वारेन्टाईनमा रहेका १ बर्ष देखि १८ बर्ष उमेर समुहका ४ जना, प्रादेशिक अस्पताल जनकपुरमा गरिएको स्वाव संकलनको परिणाम अनुसार १८ बर्षदेखि ४० बर्ष उमेर समुहका १ जना र धनुषा जिल्लाकै हंसपुर नगरपालिका स्थित नवापुर माध्यमिक विद्यालय बघचौराको क्वारेन्टाईनमा रहेका १८ बर्ष देखि४० बर्ष उमेर समुहका २ जना पुरुषहरुमा कोरोना संक्रमणको पुष्टि भएको हो । धनुषाको धनौजी गाउँपालिका र हंसपुर नगरपालिकामा आज कोरोना संक्रमण पुष्टी भएका ६ जना भारतबाट आएको बताईएको छ ।

महोत्तरी जिल्लाको लोहारपट्टी नगरपालिकास्थित शिवचन्द्र आश्रममा सञ्चालित क्वारेन्टाईनमा रहेका बर्ष १८ र सोही जिल्लाको रामगोपालपुर नगरपालिकास्थित महेन्द्र माध्यमिक विद्यालयको क्वारेन्टाईनमा रहेका बर्ष १८ कै गरी २ जना पुरुषहरुमा कोरोना संक्रमण पुष्टि भएको छ । उनीहरु पनि छिमेकी मुलुक भारतबाट नै आएको बुझिएको छ ।

आज संक्रमण पुष्टि भएका मध्ये सवैभन्दा धेरै संख्या सर्लाही जिल्लामा रहेको छ । जसअनुसार सर्लाही जिल्लाको कबिलाशी नगरपालिकास्थित अगरवा माध्यमिक विद्यालयको क्वारेन्टाईनमा रहेका ९ बर्षिया बालिका र २६ बर्षिया महिलामा कोरोना संक्रमणको पुष्टि भएको छ । त्यसैगरी सोही क्वारेन्टाईनमा रहेका १४ बर्षिय बालक सहति १ देखि १८ बर्ष उमेर समुहका ५ जना, १८ देखि ४० बर्ष उमेर समुहका २६ जना, ४० देखि ७० बर्ष उमेर समुहका २ जना र ७० बर्ष भन्दा बढी उमेर समुहका १ जना पुरुषहरुमा कोरोना संक्रमणको पुष्टि भएको छ । कबिलासी नगरपालिकास्थित अघरवा माध्यमिक विद्यालयमा रहेका क्वारेन्टाईनमा रहेका सम्पूर्ण संक्रमितहरु छिमेकी मुलुक भारतबाट आएको बुझिएको छ । सर्लाही जिल्लाकै हरिपुर नगरपालिकामा रहेको क्वारेन्टाईनमा रहेका १८ देखि ४० बर्ष उमेर समुहका २ जना पुरुषहरुमा समेत कोरोना संक्रमणको पुष्टि भएको छ ।

रौतहट जिल्लाको यमुनामाई गाउँपालिकास्थित जनता माध्यमिक विद्यालय सरुवाथामा सञ्चालित क्वारेन्टाईनमा रहेका २२ बर्षिय महिला र १८ देखि ४० बर्ष उमेर समुहका ३ जना पुरुषहरुमा कोरोना संक्रमणको पुष्टी भएको छ । रौतहट जिल्लाको परोहा नगरपालिकास्थित लौकाहा माध्यमिक विद्यालयमा सञ्चालित क्वारेन्टाईनमा रहेका १८ बर्ष देखि ४० बर्ष उमेर समुहका १३ जना र ४० देखि ७० बर्ष उमेर समुहका १ जना गरी कुल १४ जना पुरुषहरुमा कोरोना संक्रमणको पुष्टि भएको छ । रौतहटका दुबै क्वारेन्टाईमा रहेका कोरोना संक्रमितहरु छिमेकी मुलुक भारतबाट नै आएको उनले बताए ।

त्यसैगरी पिसिआर परिक्षण मार्फत संक्रमण प्रमाणित भएका सप्तरी जिल्लास्थित गजेन्द्र नारायण सिंह सगरमाथा अस्पतालको आइसोलेसन कक्षमा २३ जना पुरुष र १ जना महिलागरी कुल २४ जना,सप्तरी जिल्ला राजविराजस्थित साईकृष्ण अस्पतालको आइसोलेसन कक्षमा १ महिला र २९ जना पुरुषगरी कुल ३० जना,सिरहा जिल्ला महेन्द्र गेनाई अस्पतालको आइसोलसन कक्षमा २५ जना पुरुष,धनुषा जिल्लास्थित प्रादेशिक अस्पताल जनकपुर अन्तर्गतको कोभिड १९ विशेष अस्पतालमा रहेको आइसोलेसन कक्षमा २ महिला र २६ पुरुषगरी कुल २८ जना,धनुषा जिल्लाकै लक्ष्मीनिया गाउँपालिकामा रहेको वि.पि.मेमोरियल पोलिटेक्निकल ईन्स्टिच्यूटको आइसोलेसन कक्षमा ६ जना महिला र ३१ जना पुरुषगरी कुल ३७ जना कोरोना संक्रमितहरुको उपचार भइरहेको छ ।

त्यस्तै महोत्तरी जिल्लाको जलेश्वर अस्पतालको आइसोलसन कक्षमा १ जना महिला र २३ जना पुरुषगरी कुल २४ जना,सर्लाही जिल्ला मंलगवामा रहेको अल्पामाई रामनारायण यादव नर्सिङ्ग कलेजको आइसोलेसन कक्षमा ४३ जना पुरुष र १ जना महिलागरी कुल ४४ जना,रौतहट जिल्लास्थित चपुर अस्पतालमा ८ जना पुरुष, रौतहट जिल्लामा नै रहेको गौर नर्सिङ्ग इन्टिच्यूटको आइसोलेसन कक्षमा ३ महिला र २८ पुरुषगरी कुल ३१ जना,रौतहट जिल्लाकै राजपुर फरहदवामा रहेको प्राथमिक स्वास्थ्य केन्द्रको आइसोलेसन कक्षमा ४२ जना पुरुष र देवाही गोनाही नगरपालिकास्थित देवाही गोनाही पोलिटेक्निक ईन्स्टिच्यूट धरहरीमा २२ जना पुरुष कोरोना संक्रमितहरुको उपचार भइरहेको छ । रौतहड जिल्लाकै गरुडा नगरपालिकामा रहेको नेपाल प्रहरी विद्यालयमा ७२ पुरुष र ३ महिलागरी कुल ७५ जना,बारा जिल्लाको कलैया अस्पतालको आइसोलेसन कक्षमा ४८ जना पुरुष र २ जना महिलागरी कुल ५० जना,पर्सा जिल्लामा नारायणी अस्पताल अन्तर्गत रहेको कोभिड १९ बिषेश अस्पताल गण्डक अस्पतालमा १८ जना पुरुष र २ जना महिलागरी कुल २० जना कोरोना संक्रमितहरुको उपचार भइरहेको छ ।

त्यसैगरी सिरहा अस्पताल सिरहामा ५ जना र महोत्तरी जिल्लाको जलेश्वर कोभिड विषेश अस्पतालमा ८ जना गरी कुल १३ जना कोरोना आशंकित बिरामीहरुको आइसोलेसन कक्षमा राखेर उपचार भइरहेको सचिव घिमिरेले जानकारी दिएका छन् ।

सोमबारसम्म ६ सय ९५ संक्रमित
प्रदेश २ मा सोमबारसम्म १५ हजार ७ सय ७४ जना व्यक्तिको थ्रोट स्वाब संकलन गरिएकोमा ६ सय ९५ जना संक्रमित भएका छन् भने १० हजार ३ सय ५१ जनाको नेगेटिभ नतिजा आएको छ । त्यस्तै ४ हजार ७ सय २८ जनाको नतिजा आउन बाँकी रहेको छ ।

त्यस्तै आरडिटी तर्फ अहिलेसम्म ६ हजार ६ सय ८२ जनाको परीक्षण गरिएकोमा ५० जनाको रिपोर्ट पोजेटिभ आएको छ भने ६ हजार ६ सय ३२ जनाको रिपोर्ट नेगेटिभ देखिएको सामाजिक विकास मन्त्रालयका सचिव डाक्टर रामप्रसाद घिमिरेले बताए ।

प्रदेशमा संक्रमित ६ सय ९५ मध्ये सबैभन्दा बढि रौतहटका २ सय ३४ जना रहेका छन् । त्यस्तै १ सय ६ जना पर्साका,५४ जना बाराका, ७७ जना धनुषाका,२९ जना महोत्तरीका, १ सय १० जना सर्लाहीका,३० जना सिरहाका र ५५ जना सप्तरीका व्यक्ति छन् ।

प्रदेश २ को आठवटै जिल्लाका बिभिन्न ठाउँहरुमा निर्माण गरिएको २७ हजार ५ सय १४ बेड क्षमताको ३ सय ८५ वटा क्वारेन्टाइनमा अहिले २२ हजार ९ सय १८ जनालाई राखिएको छ भने ५ हजार २ सय ५ जनालाई होम क्वारेन्टाइनमा पठाइएको छ । प्रदेशका आठवटै जिल्लाको बिभिन्न ठाउँहरुमा सञ्चालनमा रहेको ७ सय ६४ बेड क्षमताको आईसोलेशनमा ३ सय ९५ जना शंकास्पद बिरामीलाई भर्ना गरिएको सचिव घिमिरेले जानकारी दिए ।

यस प्रदेशमा हालसम्म ९९ जना कोरोना संक्रमितहरु उपचार पश्चात निको भएका छन् । जसमा नारायणी अस्पताल बीरगंज र उक्त अस्पताल मातहत रहेको कोभिड १९ बिशेष गण्डक अस्पताल बीरगंजबाट ९७ जना संक्रमितहरु उपचार पश्चात निको भएका हुन भने बाँकी २ जना प्रादेशिक अस्पताल जनकपुर अन्तर्गत रहेको कोभिड १९ बिशेष अस्पतालबाट डिस्चार्ज भएका हुन् ।

प्रतिक्रिया दिनुहोस्
मुख्य समाचार

काठमाडौं– शुक्रबार नेपालमा कोरोनाभाइरसका १ सय १८ जना संक्रमित थपिएका छन्। योसँगै कोरोना संक्रमितको संख्या

काठमाडौं– लगातार वर्षाका कारण सप्तकोसी नदीमा पानीको बहाव बढेको छ । शुक्रबार बिहानसम्म सप्तकोसी ब्यारेज भएर

काठमाडौं : सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक एक साताको लागि स्थगित भएको छ

काठमाडौं : कोभिड–१९ को सङ्क्रमण रोकथामका लागि लागू गरिएको बन्दाबन्दीमा महिला तथा बालिकामाथि हुने हिंसाका घटनामा

काठमाडौंः नेपाल यातायात व्यवसायी राष्ट्रिय महासंघले यातायात संचालनको बारेमा बैठकपछि मात्र आधिकारिक धारणा दिने भएको

काठमाडौंः राष्ट्रिय मानव अधिकार आयोगका सदस्य मोहना अन्सारीले सरिता गिरीको कारवाहीप्रति टिप्पणी गरेकोमा आयोगले आपत्ति

काठमाडौं– नेपालमा बिहीबार १ सय ८ जना कोरोना संक्रमित थपिएका छन् ।योसँगै कोरोना संक्रमितको संख्या

काठमाडौं– जनता समाजवादी पार्टी निर्वाचन आयोगमा दर्ता भएको छ। राष्ट्रिय जनता पार्टी र समाजवादी पार्टी

पोखरा : गण्डकी प्रदेशमा थप २० जनामा कोरोना भाइरसको संक्रमण पुष्टि भएको छ । प्रदेश स्वास्थ्य

काठमाडौं– गएराति सिन्धुपाल्चोकको भोटेकोसी र अन्य साना नदिमा आएको बाढिले पु¥याएको जनधनको क्षतिप्रति नेपाली कांग्रेस

काठमाडौं : सांसद सरिता गिरीलाई समाजवादी पार्टीले कारवाही गरी पदबाट हटाएपछि उनको ठाउँमा लीला सिटौला

सिन्धुपाल्चोक : सिन्धुपाल्चोकको भोटेकोशी नदिमा आएको बाढीले बगाउँदा दुई जनाको मृत्यु भएको छ भने १८