धनगढीः सुदूरपश्चिम प्रदेश सरकारले आगामी आर्थिक वर्ष २०७७-७८ का लागि वार्षिक नीति तथा कार्यक्रम प्रस्तुत गरेको छ ।
प्रदेश प्रमुख शर्मिला कुमारी पन्तले २०७७-७८ को सरकारको वार्षिक नीति तथा कार्यक्रम प्रस्तुत गरेकी हुन् ।
नीति तथा कार्यक्रम अनुसार सुदूरपश्चिम प्रदेशको राजधानी तोकिएको गोदावरीमा हरित, प्रदूषण मुक्त र वन्यजन्तुको सुरक्षित करिडोर सहितको राजधानी निर्माण गरिने भएको छ ।
कार्यक्रममा विदेशबाट फर्केकाहरुलाई कृषिलगायत स्वरोजगारका कार्यक्रममा जोड्ने र त्यसका लागि स्वरोजगार कोषमार्फत विनाधितो ऋण प्रवाह गरिने नीति तथा कार्यक्रममा उल्लेख गरिएको छ । स्वदेश फर्केकाहरुलाई कृषि र गैरकृषिमा आवद्ध हुने गरी कार्यक्रम ल्याइने छन् ।
रोजगारी सिर्जनासँगैै कृषिलाई व्यवसायीक बनाउनका लागि किसानलाई कृषि ऋण दिने घोषणा पनि सरकारले गरेको छ । स्वदेश फर्केकाहरुलाई कृषि र गैरकृषिमा आवद्ध हुने गरी कार्यक्रम ल्याइने छ । रोजगारी सिर्जनासँगैै कृषिलाई व्यवसायीक बनाउनका लागि किसानलाई कृषि ऋण दिने घोषणा पनि सरकारले गरेको छ ।
कृषि श्रणमा ब्याजमा अनुदान दिइने जनाइएको छ । मल, बीउ, कृषि उपकरण तथा कृषि कार्यका लागि उपयोग गरिने विद्युत शुल्कमा अनुदान दिने कार्यक्रम पनि बजेटमा ल्याइने नीति तथा कार्यक्रममा उल्लेख गरिएको छ ।
स्वरोजगारी र रोजगारी सिर्जना गर्ने उद्यम र उद्यमीलाई पनि प्रोत्साहनका कार्यक्रम ल्याइने सरकारले जनाएको छ । बस्तुको उत्पादन, रोजगारी सिर्जना र आत्मनिर्भर अर्थतन्त्र निर्माणमा केन्द्रीत रहने गरी सुदूरपश्चिम प्रदेश सरकारले आगामी आर्थिक वर्षको बजेट ल्याउने भएको छ ।
प्रदेश सभामा सोमबार प्रस्तुत गरेको प्रदेश सरकारको नीति तथा कार्यक्रममा उत्पादनमुलक उद्योग र कृषि क्षेत्रलाई प्राथमिकता दिएको छ ।
