वीरगन्ज : पर्साको छिपहरमाई गाउँपालिकाबाट अवैध रकम २२ लाख नेपाली रुपैयाँसहित एक युवक पक्राउ परेका छन् ।
सशस्त्र प्रहरी बल नेपाल बोर्डर आउट पोष्ट भिस्वाका टोलीले पर्साको बहुदरमाई नगरपालिका वडा नम्बर ५ का २० वर्षीय युवक प्रकाश साहलाई नगर २२ लाख ४८ हजार रुपैयाँसहित पक्राउ गरेको हो ।
ना ४३ प २८०२ नम्बरको मोटरसाइकलमा सवार साह अवैध रकम बोकी भिस्वाबाट बहुदरमाई नगरपालिको भवराटारतर्फ गइरहेको अवस्थामा छिपहरमाई गाउँपालिका वडा नम्बर ४ बन्जारीमा चेकजाँच गर्ने क्रममा पक्राउ परेको सशस्त्र प्रहरी निरिक्षक हरी पराजुलीले बताए ।
मोटरसाइकलको ट्याङ्कीभित्र बनाइएको फल्स बटमा सो रकम लुकाई छिपाई राखेको अवस्थामा चेकजाँच गर्ने क्रममा फेला पारेको उनले बताए ।
पक्राउ परेका साहले १ हजारको नोट २४८ थान, ५ सयको नोट ३२०० सय थान, १ सयको नोट ३ हजार थान र ५० को नोट २ हजार थान गरी कुल २२ लाख ४८ हजार रुपैयाँ ट्याङ्कीमुनी लुकाएर राखिएको फेला परेको हो ।
पक्राउ परेका साहले रकमको श्रोत खुलाउन नसकेपछि आवश्यक कारवाहीको लागि जिल्ला प्रहरी कार्यालय पर्साको जिम्मा लगाइएको सशस्त्र प्रहरी निरिक्षक पराजुलीले बताए ।
