वि.सं. २०७५ साल कात्तिक १ गते। बिहीबार। इश्वी सन् २०१८ अक्टोबर १८ तारिख। शकसंवत् १९४०। विरोधकृत् संवत्सर। दक्षिणायन। शरद ऋतु। नेपाल संवत् ११३८ कौलाथ्व। आश्विन शुक्लपक्ष। तिथि– नवमी, १४:३३ बजेउप्रान्त दशमी।

नक्षत्र– श्रवण, २४:४४ बजेउप्रान्त धनिष्ठा। योग– धृति, ११:१३ बजेउप्रान्त शूल। करण– कौलव, १४:३३ बजेदेखि तैतिल, २७:३७ बजेउप्रान्त गर। आनन्दादिमा ध्वज योग। चन्द्रराशि– मकर। काठमाडौंमा सूर्योदय– ६:०६ बजे, सूर्यास्त– १७:३० बजे र दिनमान २८ घडी ३१ पला। कार्तिक संक्रान्ति। महानवमी। मन्वादि। स्याक्वत्याक्व। बौद्धावतार। शारदीय नवरात्र समाप्ति।

मेष – Aries

चु, चे, चो, ला, लि, लु, ले, लो, अ

पहिलेको कमजोरी सार्वजनिक हुनाले प्रतिष्ठामा केही बाधा पर्न सक्छ। सामान्य विवादमा परिए पनि विशेष जिम्मेवारी हातलागी हुने समय छ। पुरुषार्थी काम गर्दै लाभ उठाउन सकिनेछ। स्वार्थका लागि साइनो गाँस्नेहरूबाट सजग रहनुहोला। मिहिनेतले लक्ष्यमा पुर्याउनेछ। कर्मयोगद्वारा जीवनशैलीमा सुधार ल्याउन सफल भइनेछ।

बृष – Taurus

इ, उ, ए, ओ, बा, बि, बु, बे, बो

अरूका काममा केही समय बित्नेछ तापनि मिहिनेत गर्दा चिताएको काम बनाउन सकिनेछ। विशेष अवसरले दैनिकीमा परिवर्तन आउनेछ। नयाँ काम प्रारम्भ हुनेछ भने आम्दानी पनि बढ्नेछ। उद्योग र व्यापारमा विशेष फाइदा हुनेछ। अध्यात्मभाव जागृत हुनुका साथै परोपकारी काममा प्रवृत्त भइनेछ। स्वास्थ्यका लागि खानपानमा सजग रहनुहोला।

मिथुन – Gemini

का, कि, कु, घ, ङ, छ, के, को, ह

दौडधुपमै समय बित्नेछ भने आँटेको काम स्थगित हुन सक्छ। मिहिनेत गरीकन चिताएको मूल्य प्राप्त नहुने देखिन्छ। अध्ययनमा बाधा पुग्नेछ भने अरूका लागि बुद्धि खर्चनुपर्नेछ। आफ्ना कमजोरीको फाइदा अरूले उठाउन सक्छन्। हुलमुलमा धनमाल जोगाउन सजग रहनुहोला। बुद्धिको उपयोगले समस्या सुल्झाउन सफल भइनेछ।

कर्कट – Cancer

हि, हु, हे, हो, डा, डि, डु, डे, डो

मनोरञ्जनमा अलमलिनुपर्दा लक्ष्य प्राप्त गर्न समय लाग्नेछ। तापनि भौतिक सुविधा बढ्नेछ भने रमाइला क्षणको आनन्द प्राप्त हुनेछ। साथीभाइको आगमनले काममा उत्साह जाग्नेछ। रमाइला ठाउँको भ्रमण गर्ने अवसर प्राप्त हुनेछ। आतिथ्यपूर्ण सम्मान पनि प्राप्त हुनेछ। प्रेम र मित्रताको बन्धन कसिन सक्छ। आफन्तसँग विवाद हुन सक्छ।

सिंह – Leo

मा, मि, मु, मे, मो, टा, टि, टु, टे

आफ्नै कमजोरीले चिन्ता बढाउन सक्छ। बाध्यतामा अलमलिनुपर्दा चिताएको काम रोकिन सक्छ। अवसरवादीहरूबाट सजग रहनुहोला। मिहिनेत गर्दा चिताएका काम सम्पादन हुनेछन्। प्रतिस्पर्धाबाट नयाँ कामको अवसर प्राप्त हुन सक्छ। मिहिनेत गर्दा अप्ठ्यारो काम समेत सम्पादन हुनेछ। काम पूरा नभए पनि आंशिक फाइदा अवश्य हुनेछ।

कन्या – Virgo

टो, प, पि, पु, ष, ण, ठ, पे, पो

प्रयत्न गरेका काम बिस्तारै सम्पादन हुनेछन्। अध्ययनमा सामान्य उपलब्धि प्राप्त हुनेछ। काममा बाधा पुर्याउनेहरू सक्रिय हुने हुँदा सजग रहनुहोला। प्राविधिक ज्ञान सिक्ने अवसर प्राप्त हुनेछ। चिताएका काममा केही बाधा भए पनि फाइदाको स्रोत पहिल्याउन सकिनेछ। व्यवसायमा धनलाभ हुनेछ। सन्तान वा अनुयायीले राम्रो साथ दिनेछन्।

तुला – Libra

र, रि, रु, रे, रो, ता, ति, तु, ते

परिस्थिति अलि संघर्षपूर्ण रहला। चिताएका काम बेलैमा योजना बनाएर प्रारम्भ गर्दा फाइदा हुनेछ। बलजफ्ती गर्ने बानीले समस्या निम्त्याउन सक्छ। अप्ठ्यारो पर्दा मान्यजन तथा अग्रजहरूले साथ दिनेछन्। ईर्ष्या गर्नेहरूले सताए पनि अन्त्यमा परिस्थितिले आफ्नै पक्ष लिन सक्छ। आस मारेको नतिजा समेत सकारात्मक हुने देखिन्छ।

बृश्चिक – Scorpio

तो, ना, नि, नु, ने, नो, या, यि, यु

प्रारम्भमा आश्वासन बाँड्नेहरूले झुक्याउन सक्छन्। कामको अवसर प्राप्त भए पनि तत्काल प्रतिफल प्राप्त नहुन सक्छ। व्यावहारिक समस्या देखिए पनि हिम्मतले काम लिँदा परिस्थितिलाई अनुकूल बनाउन सकिनेछ। फाइदाका लागि पहिलेका सम्झौता तोड्नुपर्ने हुन सक्छ। अग्रजहरूको सहयोग प्राप्त हुनाले धेरै काम सम्पादन हुनेछन्।

धनु – Sagittarius

ये, यो, भ, भि, भु, ध, फा, ढ, भे

बुद्धिको उपयोगले विद्या तथा धन आर्जन हुनेछ भने सानो प्रयत्नले ठूलो काम बन्नेछ। मिहिनेतले सम्मानित स्थान दिलाउनेछ। प्रतिष्ठित काम गर्ने अवसर प्राप्त हुनेछ। बोलीको भरमा चिताएको काम सम्पादन हुन सक्छ। विचारले धेरैलाई आफ्नो प्रभावमा ल्याउन सकिनेछ। प्रशंसकहरू बढ्नेछन् भने सहयोगीहरूले काममा साथ दिनेछन्।

मकर – Capricorn

भो, ज, जि, खि, खु, खे, खो, गा, गि

नयाँ कामको प्रस्ताव आउनेछ भने साथ दिनेहरू बढ्नेछन्। प्रतिष्ठित काम गर्दै नाम र दाम कमाउने बेला छ। रचनात्मक काम प्रारम्भ गर्ने समय छ। सहयोगीहरूले राम्रो साथ दिनेछन् भने पहिलेको सफलताले पनि थप काम गर्न हौसला प्रदान गर्नेछ। बिछोडिएका परिवारजनसँग भेटघाट हुनेछ। स्वादिष्ट भोजनको आनन्द प्राप्त हुनेछ।

कुम्भ – Aquarius

गु, गे, गो, सा, सि, सु, से, सो, द

आकस्मिक खर्च बढ्नाले अर्थ अभाव देखापर्न सक्छ। समय दिन नसक्दा बन्न लागेको काम बिग्रन सक्छ। फाइदा नगण्य उठे पनि स्वाभिमानको रक्षा गर्न सफल भइनेछ। दिगो आम्दानी हुने काम फेला पार्न सकिनेछ। नजिकका साथीभाइ टाढिन सक्छन्। बलजफ्तीले हानि पुर्याउनेछ भने फाइदाका पछि लाग्दा साथीभाइ टाढिन सक्छन्।

मीन – Pisces

दि, दु, थ, झ, ञ, दे, दो, च, चि

धेरै मिहिनेत परे पनि आंशिक फल प्राप्त हुने समय छ। आयस्रोत राम्रो देखिए पनि तत्कालै खर्चनुपर्ने अवस्थासमेत आउन सक्छ। केही रकम सरसापटमा बाहिरिन सक्छ। कृषि, पशुपालन तथा व्यापारमा सामान्य लाभ हुनेछ। पछि फाइदा हुने काम प्रारम्भ हुन सक्छ। अध्ययनमा राम्रै प्रगति हुनेछ। श्रमको उचित मूल्यांकन हुनेछ।