साता दिनदेखि खानेपानी अवरुद्ध


बागलुङ : पहिरोले पाइप बगाउँदा सदरमुकाम बागलुङ बजारमा साता दिनदेखि खानेपानी अवरुद्ध छ । यसै त वर्षायाममा धमिलो पानी आएर हैरान उपभोक्ता लामो समय आपूर्ति नै रोकिँदा थप मारमा छन् ।

सक्नेले महँगोमा ‘जार’ को पानीले खाँचो टारेपनि सबैको स्थिति उही छैन । पानीको जोहोका लागि बजार छेउछाउका मूल र धारामा सर्वसाधारणको भीड देखिन्छ । कतिपयले बलेनीको पानी जोगाएर नुहाइधुवाइ गर्छन् । शौचालय बस्ने पानीसम्म नभएको उपभोक्ताको गुनासो छ । बागलुङ नगरपालिका–२ की दीपा पौडेलले लुगा धुन छिमेकी गाउँ रात्माटा पुगेको सुनाए । तिर्खा जेनतेन मेटेपनि भान्सा र सरसफाइमा पानीको अभाव छ ।

आजभोलि नै खानेपानी नआए हाहाकार निम्तने अवस्था छ । खानेपानी आउने भुदी खोलाको मुहान, दोविल्ला र रेशमा पहिराले क्षति पु-याएको बागलुङ नगर खानेपानी तथा सरसफाइ उपभोक्ता संस्थाले जनाएको छ । तीन दिनअघि मर्मत सकेलगत्तै दोविल्लामा पुनःपहिरो खस्दा पाइप बगेको संस्थाका प्रबन्धक हिमाल शर्माले बताए । “नेपाली सेनाको समेत सहयोगमा अहिले मर्मतको काम चलिरहेको छ”, उनले भने, “भोलिसम्ममा खानेपानी सुचारु हुन्छ ।”

अर्जुनवाण गण घोडाबाँधेका जम्दार विवेक अधिकारीको नेतृत्वमा २० जना सैनिक पहिरो पन्छाउने र मर्मतको काममा खटिएका छन् । संस्थाका प्राविधिक दिनरात र झरी नभनी काममा लागेको प्रबन्धक शर्माको भनाइ छ । दोविल्लामा खसेको पहिरोले खानेपानीका १४ वटा पाइप बगाएको जनाइएको छ । ‘ग्याविन जाली’ भरेर त्यही माथिबाट पाइप ल्याउनुपर्ने भएकाले समय लागेको प्रबन्धक शर्माले बताए । अघिल्लो साता गएका पहिरोले भुदी, दोविल्ला र रेशमा गरी १७ वटा पाइप बगाएको थियो ।

निरन्तर वर्षाका बीच मर्मत गरिए पनि पुनः दोविल्लामा खसेको पहिरोले पाइपमा क्षति पु-याएको हो । सदरमुकाममा रिठेखोला, रेशखोला र भुदीखोला मुहानबाट खानेपानी आउँछ । रिठेखोलाबाट प्रतिसेकेण्ड ३ दशमलव ५, रेशखोलाबाट १७ र भुदीखोलाबाट २० लिटर पानी दैनिक आउने गर्छ । सदरमुकाममा उपभोक्ता थपिए पनि खानेपानीमा पुरानै आयोजनाको भर पर्नुपर्ने अवस्था छ । खानेपानी स्वच्छ र वितरण पनि प्रयाप्त छैन । वर्षा हुनासाथ धारामा धमिलो पानी खस्छ । आयोजनासँग पानी सङ्लो पार्ने उपकरण छैन । वर्षायाममा खोलानोला बढ्ने र मुहान पनि धमिलिने हुँदा समस्या हुने गरेको संस्थाले जनाएको छ । रासस

प्रतिक्रिया दिनुहोस्
मुख्य समाचार

काठमाडौं– शुक्रबार नेपालमा कोरोनाभाइरसका १ सय १८ जना संक्रमित थपिएका छन्। योसँगै कोरोना संक्रमितको संख्या

काठमाडौं– लगातार वर्षाका कारण सप्तकोसी नदीमा पानीको बहाव बढेको छ । शुक्रबार बिहानसम्म सप्तकोसी ब्यारेज भएर

काठमाडौं : सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक एक साताको लागि स्थगित भएको छ

काठमाडौं : कोभिड–१९ को सङ्क्रमण रोकथामका लागि लागू गरिएको बन्दाबन्दीमा महिला तथा बालिकामाथि हुने हिंसाका घटनामा

काठमाडौंः नेपाल यातायात व्यवसायी राष्ट्रिय महासंघले यातायात संचालनको बारेमा बैठकपछि मात्र आधिकारिक धारणा दिने भएको

काठमाडौंः राष्ट्रिय मानव अधिकार आयोगका सदस्य मोहना अन्सारीले सरिता गिरीको कारवाहीप्रति टिप्पणी गरेकोमा आयोगले आपत्ति

काठमाडौं– नेपालमा बिहीबार १ सय ८ जना कोरोना संक्रमित थपिएका छन् ।योसँगै कोरोना संक्रमितको संख्या

काठमाडौं– जनता समाजवादी पार्टी निर्वाचन आयोगमा दर्ता भएको छ। राष्ट्रिय जनता पार्टी र समाजवादी पार्टी

पोखरा : गण्डकी प्रदेशमा थप २० जनामा कोरोना भाइरसको संक्रमण पुष्टि भएको छ । प्रदेश स्वास्थ्य

काठमाडौं– गएराति सिन्धुपाल्चोकको भोटेकोसी र अन्य साना नदिमा आएको बाढिले पु¥याएको जनधनको क्षतिप्रति नेपाली कांग्रेस

काठमाडौं : सांसद सरिता गिरीलाई समाजवादी पार्टीले कारवाही गरी पदबाट हटाएपछि उनको ठाउँमा लीला सिटौला

सिन्धुपाल्चोक : सिन्धुपाल्चोकको भोटेकोशी नदिमा आएको बाढीले बगाउँदा दुई जनाको मृत्यु भएको छ भने १८