काठमाडौं उपत्यकामा थप ८ जनामा कोरोना संक्रमण



काठमाडौं : सोमबार काठमाडौं उपत्यकामा थप ८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार काठमाडौंमा ४ पुरुष र २ महिला, भक्तपुरमा १ पुरुष र ललितपुरमा १ गरी जम्मा ८ जनामा कोरोना पुष्टि भएको हो।

विभिन्न अस्पतालको प्रयोगशालमा गरिएको परीक्षणमा उनीहरुमा कोरोना पुष्टि भएको हो ।

यस्तै सोमबारसम्म कोरोना संक्रमितको संख्या १३ हजार २ सय ४८ पुगेको छ भने २९ जनाको मृत्यु भइसकेको छ । ३ हजार १३४ जनाले कोरोना जितेर फर्किएको स्वास्थ्य मन्त्रालयले जनाएको छ।

प्रतिक्रिया दिनुहोस्