चिनियाँ राजदूतले हाम्रो आन्तरिक मामिलामा चासो नदिएकै जाती !


काठमाडौं : सत्तारुढ दल नेपाल कम्युनिष्ट पार्टी (नेकपा)भित्रको विवाद जटिल अवस्थमा पुगेसँगै चिनियाँ राजदूत होउ यान्छी सक्रिय बनेकी छन् । नेकपाका शीर्षस्थ नेताहरुबीच शक्ति संघर्ष चर्किरहेकै बेला चिनियाँ राजदूत सोही दलका वरिष्ठ नेताहरुसँग गरेको भेटवार्ताबारे सार्वजनिक वृत्तमा विभिन्न अड्कलबाजी गरिँदैछ ।

कतिपयले त्यसलाई सामान्य भेटघाटकै रुपमा हेरिरहेका छन् भने कतिपयले नेकपाभित्र चुलिएको विवाद मिलाउने प्रयासका रुपमा अथ्र्याएका छन् ।

आइतबार बेलुका नेकपाको विदेश विभाग प्रमुख पनि रहेका पूर्व प्रधानमन्त्री एवं नेकपाका वरिष्ठ नेता माधकुमार नेपालसँग राजदूत यान्छीले भेटवार्ता गरेका थिए । त्यसको दुई दिनपछि राजदूत यान्छीले आज (मंगलबार) अर्का वरिष्ठ नेता झलनाथ खनाललाई भेटेकी छन् । नेता खनाललाई भेट्न राजदूत यान्छी खनाल निवास डल्लु नै पुगेकी थिइन् । भेटमा दुई देशको आपसी हितका विषयमा कुराकानी भएको बताइएको छ ।

यसअघि राजदूत यान्छीले राष्ट्रपति विद्यादेवी भण्डारी, नेकपा अध्यक्ष एवं प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल ‘प्रचण्ड’, प्रधानसेनापति पूर्णचन्द्र थापासँग भेट गरेको चर्चा छ । र, यो आलोचनाको विषय बन्न पुगेको छ ।

सत्तारुढभित्रको विवाद चकिँदा चिनियाँ राजदूतले बढाएको राजनीतिक भेटवार्तालाई महत्वका साथ हेरिएको छ भने राजदूतको सक्रियता अस्वभाविक भएको भन्दै सामाजिक सञ्जालमा विरोध समेत भइरहेको छ ।

त्यसोत गत वैशाख तेस्रो साता पनि सत्तारुढ नेकपाभित्रको विवाद उत्कर्षमा पुगेको थियो । त्यसबेला पनि एकाएक चिनियाँ राजदूत यान्छी सक्रिय भइन् र विभाजनको संघारमा पुगेको नेकपाभित्र मेलमिलाप भयो ।

राजदूत यान्छीकै सक्रियताका कारण नेकपाको विभाजन टरेको त्यतिबेला टिप्पणी भएको थियो । तर, नेकपाका नेताहरुले यसलाई स्वीकारेका छैनन् । अहिले फेरी नेकपा विभाजनको संघारमा रहेका बेला चिनियाँ राजदूत यान्छी सक्रिय भएकी हुन् । जसको उद्देश्य नेकपालाई एक हुन दवाव दिनु रहेको बुझिएको छ । तर, चिनियाँ राजदूतको सक्रियताका बारेमा सामाजिक सञ्जालमार्फत गम्भीर प्रश्नहरु उठाइएको छ ।

प्रधानमन्त्री ओलीको राष्ट्रवादमाथि प्रश्न उठाउँदै राष्ट्रिय प्रजातन्त्र पार्टी (राप्रपा)का अध्यक्ष कमल थापाले ट्वीट गर्दै रिमोटले चलेको गणतन्त्र भनेर टिप्पणी गरेका छन् ।

त्यस्तै प्रमुख प्रतिपक्षी दल नेपाली कांग्रेसका केन्द्रीय सदस्य धनराज गुरुङले चिनियाँ राजदूतको सक्रियतालाई विदेशी हस्तक्षेप भनेका छन् । ओली सरकार र नेकपामाथि हमला गर्दै ट्वीटमा गुरुङले लेखेका छन्–‘चिनियाँ राजदूतको हस्ताक्षेपले कामरेडहरुको राष्ट्रियता त दुख्दैन होला नि ?’

यसैगरी राष्ट्रिय युवा संघको अध्यक्ष राम प्रसाद सापकोटाले चिनियाँ राजदूतलाई हाम्रो आन्तरिक मामलामा चासो नदिएकै जाति भनेका छन् ।

उनले सामाजिक सञ्जाल फेसबुकमा स्टाट् लेख्दै भनेका छन्–‘भारतीय राजदूतले गर्ने नेताको घरदैलो जति मन पर्दैन उति नै चिनियाँ राजदुतले गर्ने घरदैलो पनि मन पर्दैन । हाम्रो आन्तरिक मामलामा चासो नदिएकै जाति !’

यता पूर्वपरराष्ट्र सचिव मधुरमण आचार्यले पनि चिनियाँ राजदूतको सक्रियतामाथि प्रश्न उठाएका छन् । राजदूत यान्छीको सक्रियतालाई आचार्यले फेबिकोल र नेताहरुको कामलाई विदेशी हस्तक्षेप निम्त्याउने कर्मको संज्ञा दिएका छन् ।

यसैगरी त्रिभुवन विश्वविद्यालयको अन्तर्राष्ट्रिय सम्बन्ध र कूटनीतिक विभागका प्रमुख खड्ग केसीले आन्तरिक राजनीतिमा ‘किचलो बढेका बेला’ चिनियाँ राजदूत यान्छी र नेकपाका नेताहरुबीच भएको भेटवार्ताले विभिन्न अड्कलबाजीले मलजल पाएको बताएका छन् ।

‘मेरो बुझाइमा चाहे उत्तरी वा दक्षिणी छिमेकीको होस् अथवा सात समुद्रपारिको महाशक्तिको किन नहोस्, हाम्रो आन्तरिक मामिलामा हस्तक्षेप वा सक्रियता कतैबाट पनि हुनुहुँदैन,’ उनले भने–‘अहिले जे देखिएको छ त्यसमा निश्चित रुपमा केही ‘इङ्गेजमेन्ट’को संकेत चाहिँ सबैले अनुमान गरेर सरह मै पनि अनुमान गर्दा गलत नहोला ।’

नेकपाको आन्तरिक विवादमा चिनियाँ राजदूत यान्छीको सक्रियता कुनै हातलमा ठीक होइन । तर, यसमा नेकपाका नेता तथा कार्यकर्ता भने मौन छन् । जसले चिनियाँ भूमिकालाई आमन्त्रण गरेको छ ।

प्रकाशित : असार २३, २०७७

प्रतिक्रिया दिनुहोस्
मुख्य समाचार

जनकपुरधामः सप्तरीको सदरमुकाम राजविराजस्थित गजेन्द्रनारायण सिंह अस्पतालको आईसोलेसनमा रहेका कोरोना संक्रमितहरुको खानामा किरा भेटिएपछि तनाव

काठमाडौंः स्वास्थ्य तथा जनसंख्या मन्त्रालयले पछिल्लो २४ घण्टामा देशभर ३ सय ६० मा कोरोना संक्रमण

काठमाडौं : अख्तियार दुरुपयोग अनुसन्धान आयोगका थप २२ जना कर्मचारीमा कोरोनाभाइरस (कोभिड–१९) संक्रमण पुष्टि भएको

विराटनगर : विराटनगरमा बिहीबार बिहान थप १३ जनामा कोरोना संक्रमण पुष्टि भएको छ । विराटनगर

काठमाडौँ : माध्यामिक शिक्षा परीक्षा (एसईई) को नतिजा अर्काे सातामात्रै सार्वजनिक हुने भएको छ ।

काठमाडौं : बिहीबार सुनको मूल्यमा ऐतिहासिक रेकर्ड कायम भएको छ । बुधबारको तुलनामा आज प्रतितोला

चितवन : मेडिकल सिटीका रुपमा परिचित चितवनमा निजी खर्चमा पीसीआर परीक्षणको व्यवस्था हुन सकेको छैन

काठमाडौं : कोरोनाभाइरस (कोभिड–१९) सङ्क्रमणका सङ्ख्या फेरि बढ्न थालेपछि सरकारले पुनः कडिकडाउ गर्ने निर्णय गरेको

काठमाडौं : गोरखाका ६ सहित गण्डकी प्रदेशमा थप ११ जनामा कोरोना भाइरसको संक्रमण पुष्टि भएको

काठमाडौं : काठमाडौं उत्पयकामा एकै दिन एक सय २ जनामा कोरोनाभाइरस (कोभिड–१९) संक्रमण पुष्टि भएको

काठमाडौंः नेपालमा एकै दिन ५ जना कोरोना संक्रमितको मृत्यु भएको छ । वीरगञ्ज र विराटनगरमा

काठमाडौं : काठमाडौं उपत्यकामा बुधबार थप ६२ जनामा कोरोना संक्रमण पुष्टि भएको छ । स्वास्थ्य