दक्षिण कोरिया र अमेरिबीच उत्तर कोरियाबारे फेरि भेटवार्ता



एजेन्सी, सोल : दक्षिण कोरियाका एक वरिष्ठ सरकारी अधिकारी उत्तर कोरियाबारे छलफल गर्न बुधबार अमेरिकातर्फ उडेका छन् । 

कोरियाली विदेश मन्त्रालयका कोरियाली शान्ति विभागका महानिर्देशक रिही दोङ–योलले वासिङटन डिसीमा बिहीबार उत्तर कोरियासम्बन्धी अमेरिकी उपसहायकमन्त्री अलेक्स वोङसँग छलफल गर्नेछन् । 

छलफलमा दुवै देशका उत्तर कोरिया मामिला हेर्ने सरकारी अधिकारी पनि सामेल हुनेछन् । फेब्रुअरी अमेरिकी राष्ट्रपति डोनल्ड ट्रम्प र उत्तर कोरियाली सर्वोच्च नेता किम जोङ उनबीच हनोईमा भएको वार्ता विफल भएपछि दक्षिण कोरियाली र अमेरिकी अधिकारीबीच छलफल हुन लागेको हो ।

उत्तर कोरियाको आणविक निःशस्त्रीकरण प्रक्रिया कसरी फेरि ब्युँताउनेबारे छलफल हुनेछ । उत्तर कोरियामाथिका आर्थिक नाकाबन्दी केही खुकुलो बनाउने दक्षिण कोरियालीे प्रस्तावमाथि समेत दुवै देशका अधिकारीबीच छलफल हुनेछ । 

उत्तर र दक्षिण कोरियामा बस्ने एकै परिवारका सदस्यबीच भिडियोमार्फत कुराकानी गराउनेसम्बन्धमा पनि छलफल हुने जानकारी दिइएको छ ।

दुवै कोरियाको सिमानामा रहेको उत्तर कोरियाली काइसोङ औद्योगिक क्षेत्र फेरि सञ्चालन गर्ने, माउन्ट कुमगाङ पर्यटन कार्यक्रम पनि थाल्नेलगायत मामिलामा छलफल गर्ने बताइएको छ ।

हालै जारी एउटा प्रतिवेदनअनुसार उत्तर कोरियामाथिको आर्थिक नाकाबन्दीको अनुगमन गरिरहेको राष्ट्र संघीय विशेषज्ञहरूको एउटा समूहले उत्तर कोरियाले गैरकानुनी तवरबाट संसारभरिका कैयौं कम्पनीसँग कारोबार गरिरहेको बताएको छ । उसले पेट्रोल र कोइला पनि बेचिरहेको बताइएको छ ।

अमेरिकाले भने उत्तर कोरियामाथि राष्ट्र संघ सुरक्षा परिषद्ले लगाएका प्रतिबन्ध सबै देशले पालन गर्नुपर्ने दोहोर्‍याउँदै आएको छ । दक्षिण कोरियाली राष्ट्रपति मुन जाए–इनले उत्तर कोरिया र अमेरिकाबीच मध्यस्थता गर्न प्रयास गरिरहेका छन् । 

प्रतिक्रिया दिनुहोस्
मुख्य समाचार

काठमाडौं : नेपाल आयल निगमले डिलेज लोड भएको ट्याङ्कर हराएको सम्बन्धमा सत्यतथ्य पत्ता लगाउन छानबिन

वीरगञ्ज : तस्करी रोक्नको लागि खटिएको प्ररहीले नै तस्करीलाई बढावा दिदा के होला ? हो

काठमाडौ : केहि हप्तादेखि मन्त्रिमन्डल पुनर्गठनको तयारी शुरु गरेका प्रधानमन्त्री केपी शर्मा ओलीले मंगलबारसम्म पुनर्गठनको

काठमाडौं : तत्कालिन माओवादी केन्द्रका पोलिटब्यूरो सदस्य तथा नेकपा अध्यक्ष पुष्पकमल दाहालका एक्ला छोरा प्रकाशको

धरान : बिपी कोइराला स्वास्थ्य विज्ञान प्रतिष्ठान धरानमा बिना शीर्षकमा ४ लाख ८० हजार रुपैयाँ

काठमाडौँ : प्रहरी मुख्यालय मानव स्रोत एवं प्रशासन विभागले गत साउन २६ गते प्रकाशित गरेको

काठमाडौ : लामो समयदेखि ट्याक्सीको दर्ता बन्द गरेकामा सरकारले नयाँ ट्याक्सी दर्ता खोल्ने तयारी गरेको

एजेन्सी : एक विवाहित शिक्षिकाले आफ्नै १६ वर्षका छात्रसँग अनुचित सम्बन्ध राखेपछि अहिले अदालतले एक

काठमाडौ : प्रधानमन्त्री केपी शर्मा ओलीले मन्त्रीपरिषद पुर्नगठनको अन्तिम तयारी गरिरहेका छन् । यसका लागि

काठमाडौं : वेपत्ता पारिएका व्यक्तिको छानविन आयोग र सत्य निरुपण तथा मेलमिलाप आयोगका अध्यक्ष तथा

काठमाडौं : भारतीय पूर्वविदेश सचिव तथा पूर्व भारतीय राजदूत श्यामशरण काठमाडौंमा आएका छन् । अहिले

वीरगञ्ज : शसस्त्र प्रहरी बल प्रदेश २ का प्रमुख डिआईजी राजु अर्याल यतिखेर आफ्नै सहकर्मीले