काठमाडौं : सरकारले विद्यालयमा रहेका क्वारेन्टाइन र आइसोलेसन कक्ष हटाउने निर्णय गरेको छ ।
गत सोमबार बसेको मन्त्रिपरिषद बैठकको निर्णय सार्वजनिक गर्दै सञ्चार तथा सूचना प्रविधिमन्त्री र अर्थमन्त्री डा. युवराज खतिवडाले विद्यालय भवन परिसरलाई क्वारेन्टाइन र आइसोलेसनको रुपमा प्रयोग नगर्ने निर्णय भएको जानकारी दिए ।
सञ्चारमन्त्री खतिवडाले यदि क्वारेन्टाइन र आइसोलेसन रहेको भए तत्काल हटाउने र ती क्षेत्रलाई स्थानीय तहले निर्मलीकरण गर्ने पनि निर्णय भएको जनाएका छन् ।
विद्यालय आउन जान असर हुने गरी कोरोना महामारी रोकथाम र नियन्त्रणसम्बन्धी संरचना नराख्ने निर्णय भएको मन्त्री खतिवडाले बताए ।
सरकारले शैक्षिक सत्र २०७७/७८ के विद्यार्थी भर्ना आगामी भदौ १ देखि सुरु गर्ने बताएको छ । ०७६/७७ को नतिजा प्रकाशन बाँकी भए तत्काल गर्ने, भदौ १ देखि विद्यार्थी भर्ना गर्ने, कक्षागत रुपमा विद्यार्थीको संख्या यकीन गर्ने, पाठ्यपुस्तक उपलब्ध गराउने र शिक्षकहरु अबिलम्ब विद्यालय पुग्ने व्यवस्था गर्ने पनि सरकारले निर्णय गरेको छ ।
प्रकाशित : साउन १५, २०७७
