काठमाडौंः सरकारले कोरोना भाइरस विरुद्धको अभियान प्रभावकारी रुपमा सञ्चालन नगरेको तथा आफूसँग भएको सहमति कार्यान्वयन नगरेको भन्दै ‘इनफ इज इनफ’ अभियानले आज पनि विरोध प्रदर्शन गरेको छ ।
अभियन्ताहरुले आज (शनिबार) बालुवाटार हाँडीगाउँमा प्रर्दशन गरेका हुन् । सामाजिक दूरीसहितका नियम पालन गरी भएको प्रदर्शनमा प्रहरीले हस्तक्षेप गरेको प्रदर्शनकारीको भनाई छ ।
प्रहरीले केही प्रदर्शनकारीलाई पक्राउ गरेको छ । ‘इनफ इज इनफ’ का अभियन्ता ईशान अधिकारी ‘ई’ हाल दोस्रो पटकको सत्याग्रहमा रहेका छन् ।
