धनगढीः सुदूरपश्चिम प्रदेशमा पछिल्लो २४ घण्टाको अवधीमा थप ५३ जनामा कोरोना भाइरस संक्रमणको पुष्टी भएको छ ।
सेती प्रादेशिक अस्पताल धनगढीको कोरोना प्रयोगशालामा गरिएको परिक्षणमा कैलालीको गोदावरीका २७ सहित सुदूरपश्चिमका ५३ जनामा कोरोना संक्रमण पुष्टी भएको अस्पतालका सूचना अधिकारी दिलिप कुमार श्रेष्ठले बताए ।
उनका अनुसार आज (शनिबार) कोरोना पुष्टी भएका अन्य संक्रमित हरुमा बझाङका २३ जना रहेका छन् भने कैलालीको भजनीका ३ जनामा पनि कोरोना पुष्टी भएको छ । उनका अनुसार कैलालीको गोदावरी नगरपालिकाका १० महिला र १७ पुरुषमा कोरोना संक्रमण पुष्टी भएको छ ।
यसै गरी बझाङको छबिस पाथिभेरा गाउँपालिकामा तीन, मष्टा गाउँपालिकामा २, दुर्गागली गाउँपालिकामा ३, थलारा गाउँपालिकामा १० र जयपृथ्बि नगरपालिकाका ५ जनामा संक्रमण पुष्टी भएको हो । पछिल्लो २४ घण्टाको अवधीमा सेती प्रादेशिक अस्पतालको प्रयोगशालामा २ सय ९८ जनाको स्वाव परिक्षण गरिएको थियो ।
