काठमाडौंः श्रम तथा रोजगार कार्यालय विराटनगरका प्रमुख प्रेमप्रसाद सञ्जेलमाथि कुटपिट भएको छ ।
भ्रष्टाचार विरोधी सरकारी कर्मचारीको छवि बनाएका उप-सचिव सञ्जेलमाथि शनिबार आफ्नै कार्यकक्षमा महिला कर्मचारीबाट कुटपिट भएको हो ।
कार्यालयका सहयोगी कर्मचारी नेत्र भट्टराईनिरौला र मेनुका सापकोटा कोइरालाले कुटपिट गरेको प्रहरीले जनाएको छ । उनीहरुलाई प्रहरीले नियन्त्रणमा लिएको छ ।
कार्यालयकै कामको विषयलाई लिएर विवाद उत्पन्न भएपछि सञ्जेललाई टेबुलमाथि राखेको पेपर वेटको डल्लो, आफूले लगाएको चप्पल, नेल कटर, पञ्चिङ मेसिन लगायतले प्रहार गरेको प्रहरी जनाएको छ । कुटपिटबाट सञ्जेलको निधार लगायत अनुहारका विभिन्न भागमा चोट लागेको बताइएको छ ।
