काठमाडौं : दुई जना ट्राफिक प्रहरीलाई कोरोना संक्रमण पुष्टि भएपछि महानगरीय ट्राफिक प्रहरी महाशाखा (बग्गीखाना) सिल गरिएको छ भने एसएसपी भिमप्रसाद ढकालसहित ३ सय ७५ जनालाई क्वारेन्टाइनमा राखिएको छ ।
बग्गीखानाका दुई जना ट्राफिकमा गत शुक्रबार कोरोना संक्रमण पुष्टि भएपछि उनीहरुलाई अस्पताल भर्ना गरिएको छ ।
महानगरीय ट्राफिक प्रहरी महाशाखा प्रमुख ढकालले भने– ‘मसमेत ३ सइ ७५ जना ब्यारेक–ब्यारेकमै छौं । अहिले महाशाखामा पूर्णलकडाउनको अवस्था छ ।’
ढकालका अनुसार अहिले कोरोना पुष्टि भएकाहरुको सम्पर्कमा आएकाहरुलाई बाहिर आउजाउ गर्न पूर्णरुपमा बन्द गरिएको छ । साथै आफूले समेत अरुसँग भेटघाट बन्द गरेको उनले बताए ।
महाशाखा मातहत ट्राफिक प्रहरीको जनशक्ति १५ सय ४५ जना छ । ३ सय ७५ जना क्वारेन्टाइनमा गएपछि १ हजार १ सय ७० जना जनशक्ति ट्राफिक व्यवस्थापनका लागि खटाइएको छ ।
प्रकाशित : साउन १८, २०७७