एजेन्सी : कलाकारहरु आफ्नो सौन्दर्य प्रदर्शन गर्नको लागि कुनै कसुर छोड्दैनन । उनीहरुलाई हरेक समय लाग्ने चिन्ता भनेकै सधैँ जवान देखिनु हो । हामीले पर्दामा देख्दा जति सुन्दरी देखिन्छन् वास्तविक जीवनमा त्यस्तो हुँदैनन् । त्यसैले बलिउडका केही कलाकारले आफ्नो प्राकृतिक अनुहारलाई अझ उत्कृष्ट बनाउन प्लास्टिक सर्जरी गरेका छन् ।
शिल्पा शेट्टी :- शिल्पा शेट्टीले ‘बिग ब्रदर’ जितेपछि उनको धेरै अन्तर्वाता आए । एक अन्तराष्ट्रिय च्यानलले उनको बारेमा डकोमेन्ट्री बनायो । जसमा उनले नाकको प्लास्टिक सर्जरी गरेको खुलासा भएके थियो ।
उनले अभिनय गरेको फिल्म ‘बाजिगर’ मा उनको लुक्स निकै फरक थियो । उनले आफूले सर्जरी गरेको कुरा स्वीकारेकी छन् । आज पनि उनको सौन्दर्यको लाखौँ मानिसहरु फ्यान छन् ।
आयशा टाकिया :- सलमान खानको सुपरहिट फिल्म ‘वान्टेड’ मा काम गरेपछि आयशा चर्चामा आएकी थिइन् । तर समाजवादी पार्टीका नेता अबु आजमीका छोरा फरहान आजमीसँग विवाह गरेपछि फिल्मबाट टाढा नै रहिन् । उनी सामाजिक सञ्जालमा पनि निकै लामो समयपछि फर्केकी थिइन् । जसमा उनलाई निकै फरक रुपमा देखिएको थियो ।
उक्त तस्बिरमा ओठ मोटो देखिएको थियो । सामाजिक सञ्जालमा केही चर्चा हुनु अगाडी नै उनले आफूले प्लास्टि सर्जरी नगराएको बताएकी थिइन् । तर उनको यस्तो प्रतिक्रियासँगै दर्शकले उनलाई प्लास्टिक सर्जरी गरेर पनि झुट बालेको आरोप लगाएका थिए ।
अनुष्का शर्मा :- केही समय अगाडी ‘कफी विद करन’ मा अनुष्का शर्माले आफ्नो बारेमा निकै रोचक घटना सुनाएकी थिइन् । ‘रब दे बना दी जोडी’ फिल्मको सुटिङको क्रममा आदित्य चोपडाले अनुष्कालाई तिमी राम्री छैनौ भन्दै जिस्काएका थिए । त्यसको केही समयपछि अनुष्काको एक तस्बिर सार्वजनिक भएको थियो । जसमा उनले ओठको सर्जरी गराएकी थिइन् ।
सामाजिक सञ्जालमा त्यो तस्बिर निकै भाइरल भएको थियो तर अनुष्काले एक विज्ञप्ति निकालेर उनले फिल्म ‘बम्बे भेलभेट’ को लागि ‘लिप एनहान्स लुल्स’ को प्रयोग गरेको बताएकी थिइन् । जुन एक प्रकारको मेकअप जस्तै हो भनेकी थिइन् । दर्शकले प्लास्टिक सर्जरी विना यस्तो ओठ कसरी हुन्छ भनेर खोजि गरिरहे तर आज पनि अनुष्काको ओठ उस्तै छ ।
प्रियंका चोपडा :- प्रियंका चोपडाको सेक्रेटरीसँग झगडा परेपछि उनको बारेमा केही राजहरु खुलेका थिए । जसमध्येका एक उनले नाकको प्लास्टिक सर्जरी गराएकी थिइन् । यही समयमा उनले धेरै फिल्मको अफर पनि गुमाएकी थिइन् । केही फिल्ममको अग्रिम लिएका पैसा फर्काउनु परेको थियो ।
सन् २००० मा मिस वर्ल्ड जितेपछि निर्माता विजय अलागीले बबी देवलको साथमा फिल्मको लागि अफर गरेका थिए तर पछि उनको नाक निकै ठूलो भएको कारण फिल्ममा खेलाएनन् । उनले नाककै कारण धेरै फिल्मको अफर अस्वीकार गर्नु पर्यो । फिल्म साइन गरेपछि पनि निकालिएकी थिइन् । केही समयपछि उनले नाकको प्लास्टि सर्जरी गराइन् जसले उनको भाग्य चम्कायो ।
मौनी राय :- सलमान खानको फिल्म ‘भारत’ पछि मौनी रायले धेरैका ध्यान आफूतर्फ तानेकी थिइन् । उनको ओठ पहिलेको भन्दा धेरै ठूलो देखिएको थियो । केही मिडियाले उनलाई ट्रोल गर्न सुरु गरेका थिए । मानिसहरुले राखी शावन्तसँग तुलना गरे ।
सन् २०१६ मा प्लास्टिक सर्जरी गर्दा केही बिग्रेको खबर सार्वजनिक भएको थियो । एक टिभि कार्यक्रममा उनलाई निकै ओठको सर्जरी गराएको हो भन्ने प्रश्नमा उनी निकै आक्रोशित भएकी थिइन् । उनले आफूले सर्जरी गरेको स्वीकारेकी छैनन ।