काठमाडौं : कुनै व्यक्तिले चाहेमा उपनाम राखेर पनि नागरिकता लिन पाउने भएका छन् ।
प्रतिनिधिसभाको राज्य व्यवस्था तथा सुशासन समितिको आजको बैठकले सम्बन्धित समुदायको थर वा अरू कुनै उपनाम राखी नागरिकता लिन पाउने विषयमा सहमति जुटाएको सभापति शशि श्रेष्ठले जानकारी दिइन् ।
यस्तै महिला, पुरुष जस्तै अन्य जनाएर तेस्रो लिङ्गीले नागरिकता लिँदा भने मान्यता प्राप्त चिकित्सकले प्रमाणित गरेको हुनुपर्नेछ ।
उनले नागरिकतामा हुन सक्ने त्रुटिहरू जुनसुकै समयमा सच्याउन सक्ने बताइन् ।