एजेन्सी : साउथ सुपरस्टार महेश बाबु आज आफ्नो ४५औँ जन्मदिन मनाइरहेका छन् ।
ट्वीटरमा ह्यापी बर्थडे महेशबाबु भनेर ट्रेन्डिङमा नै परेको थियो । उनी साउथ इन्डिया फिल्मका सुपरस्टार मानिन्छन् ।
जन्मदिनको अवसरमा उनलाई बिहानैदेखि शुभकामना आइरहेको छ । उनले १९७९ मा ‘कमियो नीडा’मा बालकलाकारको भुमिका निभाएर अभिनय शुरु गरेका थिए । उनले बाल अवस्थामा नै ८ वटा फिल्म खेलेका थिए ।
बच्चा बेलादेखी नै अभिनय यात्रा शुरु गरेका महेशले हालसम्म दर्जन बढी फिल्ममा अभिनय गरिसकेका छन् । उनले फिल्म मुरारी बाट निकै चर्चा कमाएका थिए ।
कोरोना संक्रमणको कारण भिडभाड नगर्न उनले फ्यानहरुलाई आग्रह गरेका छन् ।
