पर्साः उपचारमा लापरवाही गर्ने निजि विरुद्ध आन्दोलनमा उत्रेका नेपाली काग्रेस निकट नेपाल विद्यार्थी संघका जिल्ला सभापती सहित तीन जनालाई पर्सा प्रहरीले पक्राउ गरेको छ ।
प्रहरीले नेवि संघका जिल्ला सभापती विकास तिवारी, उपाध्यक्ष शेष हजरा र ठाकुरराम बहुमुखी क्याम्पसका ईकाई सभापती मनोज साहलाई नियन्त्रणमा लिएको हो ।
वीरगन्जको घण्टाघर चोकमा भेला भई दोषी अस्पताल र चिकित्कसलाई कारवाहीको माँग गर्दै जिल्ला प्रशासन कार्यालयमा ज्ञापन पत्र बुझाउँन पुगेका थिए । प्रमुख जिल्ला अधिकारी ज्ञापन पत्र नलिएपछि मुल गेटमै स्थानिय प्रशासन विरुद्ध नाराबाजीमा उत्रेका थिए ।
घटनास्थल पुगेका वडा प्रहरी कार्यालय विर्ताका प्रहरी निरिक्षक निर्मल पर्नेरुको नेतृत्वमा रहेको प्रहरीले उनीहरुलाई नियन्त्रणमा लिने प्रयास गरेपछि स्थिती तनावपूर्ण बनेको थियो । प्रहरीले प्रर्दशनमा उत्रेका विद्यार्थी नेताहरु माथि अन्धाधुन लाठीचार्ज गर्दै नियन्त्रणमा लिएका हुन । प्रहरीको लाठीचार्ज बाट दर्जनौ विद्यार्थी नेता घाईते समेत भएका छन ।
नेवि संघका विद्यार्थीहरुले कोरोना संक्रमणको बहानामा उपचार गर्न नमानेका दोषी चिकित्सक र अस्पताललाई कारवाही गर्नुपर्ने, अस्पतालले भर्ना नलिदा अकालमै ज्यान गुमाएका परिवारलाई उचित क्षतिपुर्ती र न्याय दिनुपर्ने माँग अघि सारेका छन ।
उनीहरुले नारायणी अस्पतालाई कोभिड मुक्त घोषणा गरी पुन जेनरल सेवा संचालनमा ल्याउनुपर्ने, निषेधाज्ञाबाट प्रभावित गरिब जनतलाई राहत उपलब्ध गराउँनु पर्ने र कोरोनाको भयावह स्थितीलाई समान्य बनाउँन उचित स्वास्थ्य सामाग्री, चिकित्सक सेवा सुविधाको यथा सिघ्र व्यवस्थापन गर्नुपर्ने माँग राखेका छन ।
पर्सामा कोरोना संक्रमितको संख्या पुगेर १०४८ भएको छ । ज्यान गुमाउँनेको संख्या पनि २२ पुगि सकेको छ । बढ्दो संक्रमणलाई रोकथाम तथा नियन्त्रण गर्न स्थानिय प्रशासनले जारी गरेको निषेधाज्ञा आज १६ औं दिन पुगेको छ । संक्रमण फैलने बहानामा यहाँका निजि अस्पतालले विरामीलाई उपचार गर्न नमानेपछि अकालमै ६ जनाले ज्यान गुमाई सकेका छन ।
स्थानिय प्रशासनले विरामी उपचार नगर्ने निजि अस्पताललाई कारवाही गर्ने चेतावनी दिएका दिननै तराई हस्पताल, भवानी हस्पीटल र नेशनल मेडिकल कलेजले उपचार गर्न नमान्दा तीनजनाको छटपटाएर नै ज्यान गुमाउँनु परेको थियो । निजि अस्पतालहरुले उपचारमा लापरवाही देखाउँदा समेत प्रशासनले कुनै कारवाही नगरेका कारण पर्साका विभिन्न सरोकारवाला र स्थानिय आन्दोलित बनेका हुन् ।
प्रकाशितः साउन २६, २०७७
