पोखरा : पोखरा महानगरपालिकामा थप ४ जनामा कोरोना भाइरसको संक्रमण पुष्टि भएको छ ।
प्रदेश स्वास्थ्य निर्देशनालयका अनुसार महानगरको वार्ड नं. १३ का ३०/३० वर्षिय पुरुष, वडा नं. २४ का ३४ वर्षिय पुरुष र वडा नं. २९ का ३६ वर्षिया महिलामा संक्रमण पुष्टि भएको हो ।
वार्ड १३ का २ जना भारतबाट आएका हुन् भने अन्य दुई जना कन्ट्याक्ट ट्रेसिङको क्रममा संक्रमण पुष्टि भएको हो ।
सबै संक्रमित व्यक्तिलाई आईसोलेसन केन्द्रमा लैजाने तयारी भैरहेको डा. विनोद विन्दु शर्माले जानकारी दिए ।
योसँगै अध्यावधिक विवरण अनुसार गण्डकी प्रदेशमा कोरोना संक्रमितको संख्या एक हजार ८ सय ९५ पुगेको छ । जसमा एक हजार ६ सय ३९ जना उपचारपछि निको भएका छन् ।
