काठमाडौं : काठमाडौंको स्वयम्भूबाट १० किलो गाँजासहित दुई जनालाई प्रहरीले पक्राउ गरेको छ ।
पक्राउ पर्नेमा चन्द्रागिरी नगरपालिका-१३ पुरानो नैकापका २२ वर्षीय सुवर्ण पौडेल र धादिङ थाक्रे गाँउपालिका-५ घर भएका २७ वर्षीय सागर लामा रहेका छन् ।
महानगरीय प्रहरी वृत्त स्वयम्भू र सशस्त्र प्रहरी बलको संयुक्त टोलीले उनीहरुलाई भगवान पाउँ नजिकैबाट पक्रेको हो । महानगरीय प्रहरी परिसर काठमाडौंका प्रमुख एसएसपी श्याम ज्ञवालीका अनुसार लागु औषध मुद्दामा अदालतबाट ७ दिनको म्याद लिएर अनुसन्धान भइरहेको छ ।
प्रकाशितः ३० भदौ, २०७७
