सामूहिक बलात्कारमा परेकी किशोरीले न्याय नपाएपछि आत्महत्या


राजविराज : सामूहिक बलात्कारमा परेकी १७ वर्षीया किशोरीले आत्महत्या गरेकी छन् ।

सोमबार सामूहिक बलात्कारमा परे पनि गाउँको ‘पञ्चेती’ले प्रहरीमा उजुरी दिन रोकेपछि सप्तरीको डाकनेश्वरी नगरपालिका–७ ललितपुरकी पीडित किशोरीले मंगलबार आत्महत्या गरेकी हुन् ।

यता पीडित किशोरीलाई प्रहरी कार्यालय जान रोकेको आरोपमा तीन जना पञ्चलाई प्रहरीले पक्राउ गरेको छ । पक्राउ पर्नेमा स्थानीय जयकान्त मण्डल, वासुदेव मण्डल, सत्यनारायण मण्डल रहेको सप्तरी जिल्ला प्रहरीले जनाएको छ ।

यसैगरी बलत्कार गर्ने चार जना आरोपित फरार भएका छन् । किशोरीको मृत्युलगत्तै उनीहरु फरार भएका हुन् । फरार हुनेमा ३० वर्षीय धर्म मण्डल, ३५ वर्षीय विष्णु मण्डल, १८ वर्षीय रञ्जित मण्डल र १९ वर्षीय बब्लु मण्डल छन् ।

पञ्चहरूले पीडित किशोरी र उनकी आमालाई प्रहरी कार्यालय जान रोक लगाउँदै आरोपितहरूबाट ५५ हजार रुपैयाँ क्षतिपूर्ति भराउने ‘फैसला’ सुनाएका थिए । उक्त निर्णयप्रति असन्तुष्ट पीडितले पीडा सहन नसकी आत्महत्या गरेको प्रहरीको प्रारम्भिक अनुसन्धानले देखाएको छ ।

किशोरीकी आमाको अनुसार घटना सोमबार बिहान घटेको बताइन् । उनले भनिन्–‘छोरी हिलो लागेको रगतपच्छे अवस्थामा रुँदै घर आइन् । हातका चुरा फुटेका थिए । कपाल पूरै फुकेको थियो । धेरै बेरसम्म रोइरहिन् र चार जनाबाट आफू बलात्कृत भएको सुनाइन् ।’

छोरीको पीडामा गाउँलेको सहयोग पाउने अपेक्ष गरेकी थिइन् । तर, त्यसो भएन ।

छोरी बलात्कार भएको घटनाबारे जानकारी दिँदै न्यायको भिख माग्दै आफ्नै गाउँ र समुदायका मुख्य व्यक्तिहरूलाई बोलाइन् ।तर, उक्त भेलाले आरोपितहरूबाट क्षतिपूर्ति भराई दिनुपर्ने र पीडितले कतै उजुरी गर्न नपाउने ‘फैसला’ सुनायो ।

पीडित किशोरीको शव मंगलबार साँझ राजविराज ल्याइएको जिल्ला प्रहरीका इन्स्पेक्टर सन्तोष खड्काले बताए । बुधबार पोस्टमार्टम गर्न धरान लगिने इन्स्पेक्टर खड्काले बताए । जिल्ला प्रहरीबाट खड्का नेतृत्वको टोली अनुसन्धान गर्न घटनास्थल पुगेको थियो ।

यद्यपी मुलुकी अपराध संहिता २०७४ मा पीडितको उमेर हेरेर सजाय तोकिएको छ । १६ वर्ष वा त्यसभन्दा बढी १८ वर्षभन्दा कम उमेरकी भए १० देखि १२ वर्षसम्म कैदको व्यवस्था छ । सामूहिक रूपमा बलात्कार गरे थप पाँच वर्षसम्म कैद सजाय हुने उल्लेख छ ।

प्रकाशित : भदौ ३१, २०७७

प्रतिक्रिया दिनुहोस्
मुख्य समाचार

काठमाडौं : रौतहटको चन्द्रनिगाहपुरकी कोरोना संक्रमित महिलाको चितवनमा मृत्यु भएको छ ।चितवनमा मेडिकल कलेज भरतपुरको

काठमाडौं : पूर्वप्रधानमन्त्री डा बाबुराम भट्टराईले ५ विषयमा संविधान संशोधन गर्नुपर्ने बताएका छन्। शनिबार बिहान

नेपाल उद्योग वाणिज्य महासंघले मंसिर दोस्रो साता मात्रै साधरणसभा गर्ने निर्णय लिएको छ । शुक्रबार

काठमाडौँ : राष्ट्रपति विद्यादेवी भण्डारीका तर्फबाट विभूषित हुनेहरुमा नाम घोषणा गरिएको छ । ५ सय

काठमाडौं : राष्ट्रपति विद्यादेवी भण्डारीले २ सय ८९ जना कैदीबन्दीको कैद माफीमिनाहा गरेकी छन् ।

काठमाडौंः सोमबारबाट आन्तरिक हवाई सेवा सञ्चालन हुने भएको छ । संस्कृति, पर्यटन तथा नागरिक उड्डयन

काठमाडौंः १३ विद्यार्थी संगठनले शिक्षा मन्त्री गिरिराजमणि पोखरेललाई विभिन्न माग राख्दै ७ दिने अल्टिमेटम दिएका

कास्की– अहिले देशभरी नै बाढी पहिरोले ठूलो जोखिम निम्त्याएको छ । सिन्धुपाल्चोक, बागलुङ, लगायतका जिल्लामा

बाजुरा- बाजुरामा उत्पादित स्याउ धनगढी बजारमा आइपुगेको छ । मुख्यमन्त्री एकीकृत कृषि तथा पशुपन्छी विकास

काठमाडौं– संयुक्त राष्ट्रसङ्घको ७५ औँ महासभामा प्रधानमन्त्री केपी शर्मा ओली नेतृत्वको नेपाली प्रतिनिधिमण्डलले भाग लिने

काठमाडौं– नेपाली बजारमा सुनको मूल्य तोलाको ४ सय रुपैयाँले बढेको छ । सुनचाँदी व्यवसायी महासंघका

मंगलबारे : इलामका युवाहरुले यन्त्र (रोबोर्ट) निर्माण गरेका छन्। पाँच युवाले कोरोना अस्पतालमा प्रयोग गर्नेगरी