बुधबार प्रदेश २ मा २७५ नयाँ संक्रमित थपिए, २१५ जना डिस्चार्ज


जनकपुरधामः प्रदेश नम्बर २ मा पछिल्लो २४ घण्टामा एकजना कोरोना संक्रमितको मृत्यु हुनुका साथै २ सय ७५ जना नयाँ संक्रमित थपिएका छन् ।

योसँगै यस प्रदेशमा कोरोना संक्रमणबाट मृत्यु हुनेको संख्या १ सय १३ पुगेको छ भने संक्रमितको संख्या १२ हजार ४ सय ८९ पुगेको प्रदेश स्वास्थ्य निर्देशनालयका वरिष्ठ जनस्वास्थ्य प्रशासक विजय कुमार झाले जानकारी दिए ।

आज सप्तरीको खडक नगरपालिका वडा नम्बर-३ का ३६ वर्षिय एक पुरुषको कोरोना संक्रमणका कारण मृत्यु भएको सामाजिक विकास मन्त्रालयले जनाएको छ । कोरोना संक्रमणबाट प्रदेश २ मा अहिलेसम्म १९ महिला र ९४ पुरुष गरि १ सय १३ जनाको मृत्यु भईसकेको उनले बताए ।

अहिलेसम्म पर्सामा ४०, बारामा १७, धनुषामा १३, महोत्तरीमा १३, सिरहामा ११, सप्तरीमा ९, रौतहटमा ५, सर्लाहीमा ४ र एकजना भारतीयको कोरोना संक्रमणका कारण मृत्यु भइसकेको मन्त्रालयले जनाएको छ । यस प्रदेशमा पछिल्लो २४ घण्टामा २ महिला र २ सय ७३ पुरुष सहित २ सय ७५ जनामा कोरोना संक्रमण पुष्टि भएको छ ।

आज (बुधबार) प्रदेश २ मा सबैभन्दा बढी सिरहामा २ सय ५९, सप्तरीमा ८, पर्सामा ५, महोत्तरीमा १, रौतहटमा १ र सर्लाहीमा १ जना संक्रमित भएका छन् । प्रदेशमा बुधबारसम्म संक्रमितको संख्या १२ हजार ४ सय ८९ पुगेको छ । संक्रमितमध्ये १० हजार ५ सय ३८ पुरुष र १ हजार ९ सय ५१ महिला रहेको वरिष्ठ जनस्वास्थ्य प्रशासक झाले जानकारी दिए ।

प्रादेशिक जनस्वास्थ्य प्रयोगशाला जनकपुर, नारायणी उपक्षेत्रीय अस्पताल वीरगन्ज र गजेन्द्र नारायण सिंह सगरमाथा अस्पताल राजविराजमा गरिएको परीक्षणमा २ सय ७५ जनाको रिपोर्ट पोजेटिभ आएको वरिष्ठ जनस्वास्थ्य प्रशासक झाले बताए ।

सिरहामा संक्रमण पुष्टि भएकाहरु सिरहा–१ स्थित जिल्ला कारागारका उमेर नखुलेकोदेखि ७३ वर्ष सम्मका २ सय ५९ जना पुरुष कैदिबन्दीहरु रहेका छन् । त्यस्तै, सप्तरीको राजविराज नगरपालिका वडा नम्बर–५ र ८ का ५८ एवं ६० वर्षीय २ पुरुष, राजविराज नगरपालिका–६ का ५९ वर्षीय एक पुरुष, राजविराज नगरपालिका–२ का ३४ वर्षीय एक पुरुष, राजविराज नगरपालिका–६ स्थित आइसोलेसन सेन्टरका २५ वर्षीय २ जना पुरुष कर्मचारी, भागवतपुर–५ का उमेर नखुलेको एक पुरुष र खडक नगरपालिका–३ का ३६ वर्षीय एक पुरुष कोरोना संक्रमित भएका छन् ।

पर्साका संक्रमितहरु वीरगञ्ज महानगरपालिकाका २६ वर्षीय एक पुरुष, बहुदरमाइ नगरपालिकाका २१ वर्षीया एक महिला र ४७ वर्षीय एक पुरुष, पर्सागढी नगरपालिका–४ का ४१ वर्षीय एक पुरुष र नारायणी उपक्षेत्रिय अस्पताल वीरगञ्जका ३० वर्षीय एक पुरुष रहेका छन् ।

त्यस्तै, रौतहटको वागमती नगरपालिका–११ का ७० वर्षीय एक बृद्ध, सर्लाहीको हरिवन नगरपालिका–११ का ७२ वर्षीया एक बृद्धा र महोत्तरीको सोनमा गाउँपालिका घर भई हाल जनकपुरधाम–८ स्थित सुरक्षा अस्पतालमा रहेका ७५ वर्षीय एक बृद्ध कोरोना संक्रमणको चपेटामा परेका छन् ।

प्रदेशभरीमा बुधबारसम्म सप्तरीमा १६ हजार ९ सय ५३, सिरहामा ९ हजार ८ सय ४५, धनुषामा १२ हजार ८ सय ५५, महोत्तरीमा ६ हजार ७ सय ४, सर्लाहीमा १२ हजार ९ सय ६३, रौतहटमा २२ हजार २ सय ४५, बारामा १० हजार ७ सय १९ र पर्सामा २१ हजार ८४ गरि जम्मा १ लाख १३ हजार ३ सय ६८ जनाको स्वाब परिक्षण गरिएकोमा १२ हजार ४ सय ८९ जना संक्रमित भएका छन् भने ९६ हजार ८ सय ७ जनाको रिपोर्ट नेगेटिभ आएको छ ।

त्यस्तै सप्तरीमा १ हजार २ सय ९८, सिरहामा ७ सय ७१, धनुषामा ५ सय ३०, महोत्तरीमा ३ सय ९, सर्लाहीमा ३ सय, रौतहटमा ३ सय ६५, बारामा ३ सय ५८ र पर्सामा १ सय ४१ गरि कुल ४ हजार ७२ जनाको रिपोर्ट आउन बाँकी रहेको सामाजिक विकास मन्त्रालयले जनाएको छ । यस प्रदेशमा आज मात्रै सप्तरीमा ६९, सिरहामा ७ सय ७१, धनुषामा ५३, महोत्तरीमा ५९, सर्लाहीमा २४ र रौतहटमा २५ गरि १ हजार १ जनाको स्वाब संकलन गरिएको छ ।

प्रदेश २ को आठवटै जिल्लाका बिभिन्न ठाउँहरुमा निर्माण गरिएको ९ हजार ५ सय ७५ बेड क्षमताको १ सय ७० वटा क्वारेन्टाइनमा अहिले ४ सय ३२ जनालाई राखिएको छ भने १ हजार ३ सय ९० जनालाई होम क्वारेन्टाइनमा पठाइएको छ । प्रदेशका आठवटै जिल्लाको बिभिन्न ठाउँहरुमा सञ्चालनमा रहेको ३ हजार १२ बेड क्षमताको आईसोलेशनमा सप्तरीमा १ सय ७३, सिरहामा ४ सय ८६, धनुषामा १६, महोत्तरीमा १६, सर्लाहीमा ६३, रौतहटमा ४९, बारामा १२ र पर्सामा १ सय २५ गरि ९ सय ४० जनालाई भर्ना गरिएको वरिष्ठ जनस्वास्थ्य प्रशासक झाले जानकारी दिए ।

त्यस्तै यस प्रदेशमा सप्तरीमा १ सय १७, धनुषामा ८ सय ३३, महोत्तरीमा ८ सय ७६, सर्लाहीमा १ हजार ३, रौतहटमा ८ सय ५३, बारामा २ सय ५८ र पर्सामा ६ सय ९८ गरि ४ हजार ६ सय ३८ जना होम आइसोलेसनमा रहेको उनले बताए । प्रदेश २ मा सबैभन्दा बढी पर्सा जिल्लामा २ हजार ४ सय २५ जना संक्रमित भएका छन् । धनुषामा १ हजार ८ सय ५४, सर्लाहीमा १ हजार ८ सय ३८, रौतहटमा १ हजार ७ सय ८६, महोत्तरीमा १ हजार ४ सय, सिरहामा १ हजार ७७, सप्तरीमा १ हजार ६६ र बारामा १ हजार ४३ जनामा कोरोना संक्रमण पुष्टि भएको हो । प्रदेश २ मा सक्रिय संक्रमितको संख्या ५ हजार ५ सय ७८ रहेको सामाजिक विकास मन्त्रालयले जनाएको छ ।

पछिल्लो २४ घण्टामा यस प्रदेशका २ सय १५ जना अस्पतालबाट डिस्चार्ज भएका छन् । डिस्चार्ज हुनेहरुमा सप्तरीका ४, सिरहाका ८, धनुषाका ४, महोत्तरीका १८, सर्लाहीका १३, रौतहटका ३ र बाराका १ सय ६५ जना छन् । योसँगै हालसम्म यस प्रदेशमा सप्तरीका ७ सय ३८, सिरहाका ३ सय ९३, धनुषाका ९ सय ९२, महोत्तरीका ४ सय ९५, सर्लाहीका ७ सय ६८, रौतहटका ८ सय ७९, बाराका ८ सय ६३ र पर्साका १ हजार ६ सय ७० गरि ६ हजार ७ सय ९८ जना संक्रमितहरु डिस्चार्ज भई आ–आफ्नो घर फर्किसकेको सामाजिक विकास मन्त्रालयले जनाएको छ ।

प्रकाशितः ३१ भदौ, २०७७

प्रतिक्रिया दिनुहोस्
मुख्य समाचार

काठमाडौं : नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहालबीच मन्त्रिपरिषद् पुनर्गठनबारे

काठमाडौं : बजारमा स्वस्थ मान्छेको ज्यान लिने विषाक्त रसायन मिसाइएका स्यानिटाइजर फेला पर्ने क्रम रोकिएको

काठमाडौं : सरकारले कोरोना महामारीका कारण नेपालमा बन्द रहेको पदयात्रा र पर्वतारोहण खुला गरेको छ

काठमाडौं : महाराजगञ्जस्थित त्रिवि शिक्षण अस्पतालमा कोरोना संक्रमणबाट एक कर्मचारीको मृत्यु भएको छ । अस्पतालमा

काठमाडौं : धरानमा थप एक जना कोरोना संक्रमित पुरुषको मृत्यु भएको छ । बीपी कोइराला

दिक्तेल : खोटाङको दिप्रुङ चुएचुम्मा गाउँपालिकाभित्रका ४८ विद्यालयमा सामाजिक दूरी कायम गर्दै स्वास्थ्य सुरक्षा तथा

काठमाडौंः सरकारले असोज ८ र १२ गते बसेको मन्त्रिपरिषद् बैठकका निर्णयहरू सार्वजनिक गरेको छ ।

धरानः धरान उपमहानगरपालिका-२ की कोरोना संक्रमित महिलाको उपचारको क्रममा आज (सोमबार) मृत्यु भएको छ ।

काठमाडौं : १६ वर्ष मुनिका बालिका बलात्कार गरी हत्या गर्ने घटनाविरुद्धका कानुनी प्रावधानमा कडाइ पार्नका

काठमाडौं : यातायता व्यवस्था विभागले असोज २० गतेबाट दशैंको अग्रिम टिकट बुकिङ खुलाउन प्रस्ताव गरेको

काठमाडौं– संघीय संसदमा प्रतिनिधित्व गर्ने महिला सांसदहरुले संविधान संशोधन गरेर १६ वर्ष मुनिका बालिकालाई बलात्कार

काठमाडौंः प्रधानमन्त्री एवंं नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच मन्त्रिपरिषद