जाजरकोट : जाजरकोट जुनिचाँदी गाउँपालिका १ को अउलखोला लोड्नीमा जीप दुर्घटना हुँदा वडा अध्यक्षसहित ५ जनाको मृत्यु भएको छ ।
सदरमुकाम खलंगाबाट जुनिचाँदी गाउँपालिकातर्फ छुटेको भे १ ज ९३५ नं.को जीप पल्टिँदा जुनिचाँदी गाउँपालिका वडा नंं.११ का अध्यक्ष अमरबहादुर शाहीसहित ५ जनाको ज्यान गएको प्रहरीले जनाएको छ ।
दुर्घटनामा ज्यान गुमाएकामध्ये वडाध्यक्ष अमरबहादुर शाही र कीर्तिबहादुर शाहीको परिचय खुलेको छ । अरुको पहिचान हुन सकेको छैन । दुर्घटना भएको ठाउँ खलंगाबाट झण्डै ८२ किलोमिटर टाढा छ । प्रहरी टोली दुर्घटनास्थलमा पुगिसकेको छ ।
प्रकाशित : २१ असोज, २०७७