यस वर्षको दशैँमा प्रहरीले बिदा नपाउने



काठमाडौं : यस वर्षको दशैँमा प्रहरीले बिदा नपाउने भएका छन् । कोरोना महामारीविरुद्धको अभियान र शान्ति सुरक्षामा परिचालन हुनुपर्ने भएकाले प्रहरीले दशैँ बिदा नपाउने भएका हुन् । तर सुत्केरी, किरीयालगायत अत्यावश्यक बिदा भने पाउनेछन् ।

प्रहरी प्रवक्ता एसएसपी कुवेर कडायतले पछिल्लो समय मुलुकमा कोरोना संक्रमणको जोखिम बढेको र विगतको तुलनामा सक्रियता समेत बढाउनुपर्ने भएपछि अत्यावश्यक बाहेक बिदामा रोक लगाइएको बताए ।

अघिल्लो वर्षहरुमा पनि दशैँमा बिदामा कडाइ गरिँदै आएको उनले बताए । त्यसोत प्रहरीमा ७९ हजारको दरबन्दी कायम भए पनि १२ हजार बढी दरबन्दी रिक्त छ ।

शान्ति सुरक्षा र अपराध अनुसन्धानमा सक्रिय रहने प्रहरीमा सुरक्षा संगठनकै सबैभन्दा बढी कोरोना संक्रमित छन् । प्रहरीमा हालसम्म ४८ सयको हाराहारीमा कोरोना संक्रमित पुगिसकेका छन् । त्यसैले पनि प्रहरीलाई विगतको तुलनामा भार बढेको हो । संक्रमण देखिएका प्रहरी डिस्चार्ज भएपछि थप एक साताको आरामपछि मात्रै काममा फर्किने गरेका छन् । सबैभन्दा बढी संक्रमित काठमाडौं उपत्यकामै देखिएको छ ।

“दशैँलगायत चाडपर्वमा प्रहरी सक्रियता बढी चाहिन्छ । अन्य समयभन्दा जाँचलगायत काम पनि बढी हुन्छन् । उपत्यकाको हकमा भन्ने हो भने धेरैजसो मानिस घर छाडेर दसैं मनाउन गाउँ जान्छन् । यस्तोमा चोरीलगायतका अपराधिक घटना बढी हुने सम्भावना रहन्छ । त्यसैले हाम्रो सक्रियता र जनशक्ति परिचालन पनि बढी हुन्छ,” प्रवक्ता कडायतले भने ।

चाडपर्वको समयमा चोरी, लुटपाटलगायत घटना बढी हुने भएकोले पछिल्लो समय देशभरकै सुरक्षा सतर्कता बढाइएको प्रवक्ता कडायतले बताए ।

नियमित परिचालित भएको जनशक्तिसँगै रिजर्भ फोर्सलाई समेत परिचालन गरिएको कडायतले बताए ।

यसैगरी सीमा नाकामा कुकुरबाट जाँचदेखि सादा पोसाकका प्रहरी परिचालन बढाइएको छ भने बसपार्क र बढी भिड हुने स्थानमा समेत प्रहरी सक्रियता बढाइएको छ ।

प्रकाशित : असोज २२, २०७७

प्रतिक्रिया दिनुहोस्
मुख्य समाचार

काठमाडौं : आज २४० कोरोना संक्रमित थपिएका छन् भने ६ जनाको मृत्यु भएको छ ।

जनकपुरधाम : प्रधानमन्त्री केपी शर्मा ओलीको सिफारिशमा राष्ट्रपति विद्यादेवी भण्डारीले गरेको संसद विघटनबिरुद्ध नेपाली काँग्रेसले

नयाँदिल्ली : परराष्ट्र मन्त्री प्रदीपकुमार ज्ञवाली स्वदेश फर्कन लागेका छन् । मन्त्री ज्ञवाली नेपाल वायु

काठमाडौं : नेपाली काँग्रेसका वरिष्ठ नेता रामचन्द्र पौडेलले संसद् विघटनको मुद्दामा न्यायाधीशहरुले देशको हितमा निर्णय

काठमाडौं : आज उपत्यकाका विभिन्न क्षेत्रमा विद्युत आपूर्ति बन्द हुने भएको छ । नेपाल विद्युत

काठमाडौं : पछिल्लो २४ घण्टामा २७० जना कोरोना संक्रमित थपिएका छन् भने ५ जनाको मृत्यु

इन्डोनेसिया : इन्डोनेसियाको सुलावेसी द्वीपमा शुक्रबार बिहान ६.२ म्याग्नीच्युडको शक्तिशाली भूकम्प गएको छ । यस

काठमाडौं : एकै पटक दुई दर्जन नेपाल प्रहरी र सशस्त्र प्रहरीका उच्च अधिकृतहरुले अवकाश पाएका

काठमाडौं : विश्वमा अबको डेढ महिनाभित्रमा थप ३० लाख मानिसको कोरोना संक्रमणबाट मृत्यु हुनसक्ने एक

काठमाडौं : प्रधानमन्त्री कप राष्ट्रिय पुरुष क्रिकेट प्रतियोगिता आजबाट सुरु हुँदैछ । नेपाल क्रिकेट संघ

काठमाडौं : नेत्रविक्रम चन्द विप्लव नेतृत्वको नेकपाका केन्द्रीय सचिवालय सदस्य धर्मेन्द्र बास्तोला ‘कञ्चन’को रिहाईका लागि

पर्वत । नेपाली कांग्रेसका सभापति शेरबहादुर देउवाले सर्वोच्च अदालतलाई प्रभावित पार्ने अभिव्यक्ति नदिन आग्रह गरेका