चोरीको आशंकामा वडाध्यक्षले एक दलित युवकलाई कुटपिट गरेको आरोप



जनकपुरधाम– सर्लाहीमा एकजना वडाध्यक्षले मेला हेर्न गएका एक दलित युवकलाई चोरीको आशंकामा मरनासन्न हुनेगरि कुटपिट गरेको आरोप लगाइएको छ ।

ईश्वरपुर नगरपालिका–९ का वडाध्यक्ष अमिरिलाल साह तथा स्थानीयहरु रामचन्द्र सुडी र भरत महतो सुडी मिलेर गत सोमबार राती मेला हेर्न गएका सोही नगरपालिका रामनगरका एक दलित युवकलाई कुटपिट गरेको दलित अगुवा पच्चु माझीले जानकारी दिए ।

स्थानीय १९ वर्षीय गोविन्द माझीलाई चोरीको आशंकामा चोर चोर भनी कानुन हातमा लिई हात खुट्टा बाँधी अशोकको रुखमा झुण्डयाएर कुटपिट गर्नुका साथै करेन्ट समेत लगाइएको उनले बताए ।

सोमबार राती गाउँमै दुर्गा मेलामा नाच हेर्न गएका सो युवकलाई नाच भईरहेको स्थानको छेउमै रहेको स्थानीय सुरेश महतोको खेतमा शौच गरिरहेको अवस्थामा उनका छोरा गौरी महतोले हेरेपछि चोर हो भन्दै पक्राउ गरेर कुटपिट गरेका थिए । भोलीपल्ट घटना मिलाउनुको सट्टा वडाध्यक्ष साहले पनि हात खुट्टा बाँधेर मरनासन्न हुनेगरि आफुलाई कुटपिट गरेको पीडित गोविन्दले बताए ।

वडाध्यक्ष साहलगायतका व्यक्तिहरुले ति युवकको हात खुट्टा बाँधेर, पैतालामा सुई घोंच्दै करेन्ट लगाएर मरनासन्न हुनेगरि कुटपिट गरेको दलित अगुवा माझीले जानकारी दिएका छन् । आफ्नो छोरालाई कुटपिट नगर्न आमाले आग्रह गर्दा वडाध्यक्षले उनको आमालाई समेत लातले हिर्काएको उनले बताए ।

यता, वडाध्यक्ष साहले सोमबार राती गाउँका अधिकांश घरका पुरुषहरु नाच हेर्न घर बाहिर गएको समयमा ति युवक स्थानीय सुरेश महतोको घरमा चोरी गर्ने मनसायले प्रवेश गरिरहेको अवस्थामा पक्राउ परेकोले उनलाई स्थानीयले कुटपिट गरेको बताएका छन् । उनले आफ्नो वडामा विगत ३ महिनाको अवधिमा १४ वटा चोरीका घटनाहरु घटेको र सोही क्रममा ति युवक पक्राउ परेको दाबी गरेका छन् । ति युवकले आफु चोरी गर्ने मनसायले सुरेश महतोको घरमा गएको कुरा समेत स्विकार गरिसकेको वडाध्यक्ष साहले बताए । कुटपिट गरिएका युवकको हातबाट सोही राती फलामको रड र टर्च समेत बरामद भएको उनले जानकारी दिए ।

कुटपिट गरिएका युवक माझीको अहिले गम्भीर अवस्थामा बयलबाँसस्थित पोलिक्लिनीकमा उपचार भईरहेको छ ।

प्रतिक्रिया दिनुहोस्
मुख्य समाचार

काठमाडौं : नेपालमा पछिल्लो २४ घण्टामा १ हजार २ सय ७२ जना कोरोना संक्रमित थपिएका

छोराछोरीको अध्ययनका लागि जोहो गरेको नगदसहित सम्पूर्ण सामान आगलागीमा जलेर खरानी भएपछि सप्तरीको राजगढ गाउँपालिका–४

काठमाडौं : पछिल्लो २४ घण्टामा १ हजार ३ सय ४३ जनामा कोरोना संक्रमित थपिएका छन्

काठमाडौं : चीनले चन्द्रमामा पठाएको चाङ ई-५ले चन्द्रमाको सतहको पहिलो रंगीन तस्वीर पठाएको छ ।

काठमाडौं : काठमाडौंको बौद्धमा आमा र एक महिने छोरी मृत फेला परेका छन् भने एक

काठमाडौं : विश्वभर कोरोना भाइरसबाट संक्रमित हुनेको संख्या ६ करोड ४८ लाख ४५ हजार पुगेको

काठमाडौं : कोरोना महामारीका कारण करिब ९ महिनादेखि बन्द सिनेमा हल अझै नखुल्ने भएको छ

काठमाडौं : पछिल्लो २४ घण्टामा १ हजार ४ सय ९० कोरोना संक्रमित थपिएका छन् भने

अनुप सोनी/काठमाडौं : ट्रान्सपरेन्सी इन्टरनेसनलले मंसिर ९ गते भ्रष्टाचारसम्बन्धी ‘ग्लोबल करप्सन ब्यारोमिटर एसिया’ प्रतिवेदन सार्वजनिक

काठमाडौं : मंगलबार सकिएको कक्षा १२ को नतिजा पुस महिनाभित्र सार्वजनिक गर्ने राष्ट्रिय परीक्षा बोर्डले

काठमाडौं : अखिल नेपाल फुटबल संघ (एन्फा) ले राष्ट्रिय टिमको बन्द प्रशिक्षणका लागि ५८ खेलाडीको

काठमाडौं : गृह मन्त्रालयले अनियमितता गरेको आरोपमा नेपाल प्रहरीका दुई एसपी र एक इन्स्पेक्टरलाई निलम्बन