मेलबर्न : अष्ट्रेलियाको दोस्रो ठूलो शहर मेलबर्नमा कोरोनाभाइरसको महामारीका कारण लगाइएको लकडाउन बुधबारदेखि अन्त्य गरिएको छ ।
कोरोना संक्रमण फैलिएसँगै जुलाई ९ देखि दोस्रोपटक गरिएको लकडाउन एक सय ११ दिनपछि अन्त्य गरिएको हो ।
लकडाउन अन्त्य भएसँगै त्यहाँका स्थानीय बासिन्दाले राहत र सहजता महसुस गरिएको त्यहाँको स्थानीय समाचारहरुले जनाएको छ ।
‘कठिन यात्रा सकिएको छ, धेरै लामो समय बिताउन जस्तो गाह्रो भएको थियो,’ स्थानीय एक बासिन्दाले भने ।
भिक्टोरिया राज्य सरकारले लकडाउन अन्त्य गर्ने घोषणा गरेसँगै यस क्षेत्रका व्यापारिक प्रतिष्ठानहरु खुल्ला भएका छन् भने कामदारहरुले काममा फर्किन थालेका छन् ।
लकडाउन खुल्ला गरिए पनि सडकमा भिडभाड गर्न पाइने छनै । साथै मास्क नलगाइ नहिँड्न भनिएको छ । त्यसैगरी घरदेखि २५ किलोमिटर टाढा हिँड्न पनि नपाइने व्यवस्था गरिएको छ ।
सरकारी अधिकारीहरुले सकेसम्म घरबाटै काम गर्ने वातावरण बनाउन पनि सबैलाई आह्वान गरेका छन् ।
भिक्टोरिया अष्ट्रेलियामा कोरोना भाइरसको दोस्रो लहरको संक्रमणको केन्द्र बनेको थियो ।
प्रकाशित : कात्तिक १३, २०७७
