काठमाडौं : आज (शुक्रबार) नेपाली बजारमा सुनको मूल्य बढेको छ ।
आज छापावाला सुनको मूल्य तोलामा १ हजार रुपैयाँले बढेर ९७ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
बिहीबार छापावाला सुन तोलामा ९६ हजार दुई सय रुपैयाँमा कारोबार भएको थियो । महासंघका अनुसार तेजाबी सुनको मूल्य तोलामा पनि एक हजार रुपैयाँले बढेर ९६ हजार ७ सयमा कारोबार भइरहेको छ ।
यस्तै चाँदीको मूल्य तोलामा ४५ रुपैयाँले बढेर १२ सय ५५ रुपैयाँमा कारोबार भइरहेको छ महासंघले जनाएको छ ।
प्रकाशित :२१ कार्तिक, २०७७
