दाङ : मालपोत कार्यालय तुलसीपुर दाङमा कार्यरत नायव सुब्बा पुष्पराज गिरी र कार्यालय सहयोगी मीनराज गैरे घुससहित पक्राउ परेका छन् ।
अख्तियार दुरुपयोग अनुसन्धान आयोगको बुटवल कार्यालय र नेपालगञ्ज कार्यालयबाट खटिएको टोलीले उनीहरुलाई ३ लाख २० हजार घुससहित पक्राउ गरेको हो ।
उनीहरुले सेवाग्राहीबाट जग्गा नापजाँच गरी पूर्जा बनाई दिने भन्दै घुस लिएका थिए । उनीहरु आज पक्राउ परेका हुन् । उनीहरुमाथि थप अनुसन्धान गर्ने अख्तियारले जनाएको छ ।
प्रकाशित : ५ मंसिर,२०७७