बुटवल : सशस्त्र प्रहरीका सहायक हवल्दार कपिलवस्तुमा पक्राउ परेका छन् ।
सशस्त्र प्रहरी बल बोर्डर आउट पोष्ट, कृष्णनगरका सशस्त्र प्रहरी सहायक हवल्दार लिलबहादुर गुरुङ ३५ हजार घुससहित पक्राउ परेका हुन् ।
अख्तियार दुरुपयोग अनुसन्धान आयोग बुटवलको टोलीले कृष्णनगर नगरपालिका वडा नं.२ गोलघरस्थित मिलन रेष्टुरेन्ट एण्ड दुर्गा गेष्ट हाउसबाट गुरुङलाई घुस लिइरहेको अवस्थामा नियन्त्रणमा लिएको हो ।
घरायसी सामान ओसारपसारमा सहजीकरण गरिदिए बापत सेवाग्राहीसँग घुस लिएको अवस्थामा उनलाई पक्राउ गरिएको सूचना अधिकारी सुरेश भुसालले जानकारी दिए । थप अनुसन्धान भइरहेको छ ।
प्रकाशित :१९ मंसिर, २०७७