काठमाडौं : हाँस्य कलाकार मनोज गजुरेलले दोश्रो विवाह गर्ने भएका छन् । सञ्चारकर्मीसँग कुरा गर्दै गजुरेलले आफू छिट्टै विवाह बन्धनमा बाँधिने बताएका हुन् ।
‘तपाईंहरूले जे सुन्नुभयो त्यो सत्य हो, बाँकी कुरा समय आएपछि सार्वजनिक गर्नेछु’, उनले सञ्चारकर्मीसँग भने । तर, कोसँग विवाह गर्दैछन् भन्नु कुरा खुलाएका छैनन् ।
उनले केही व्यवहारिक पाटोको टुंगो लागेपछि बाँकी कुरा सार्वजनिक गर्ने बताए ।
उनको यो दोस्रो विवाह हो ।
पहिलो विवाह उनले मिना ढकालसँग गरेका थिए । प्रेम विवाह गरेको २२ वर्षपछि २०७४ सालमा उनीहरूबीच सम्बन्धविच्छेद भएको थियो ।
उनीहरूका एक छोरा र छोरी रहेका छन् ।
प्रकाशित : मंसिर २२, २०७७