राजविराजः सप्तरीको राजविराज आज (शुक्रबार) बिहान आगलागी भएको छ ।
आगलागीमा परी एक जनाको मृत्यु भएको प्रहरीले जनाएको छ । अत्यधिक विद्युतीय प्रवाह भई गोठमा आगलागी हुँदा त्यहाँ सुतिरहेका राजविराज नगरपालिका-१६ बोरियाका ८५ वर्षीय झलाही यादवको मृत्यु भएको हो ।
नेपाल प्रहरी र स्थानीयवासीको सक्रियतामा बारुणयन्त्रको प्रयोग गरी आगो नियन्त्रणमा लिएको र आगलागीबाट १ लाख मूल्य बराबरको क्षति भएको प्रहरीको भनाइ छ । ।
शव परीक्षणका लागि राजविराजस्थित गजेन्द्रनारायण सिंह अस्पतालमा लगिएको छ भने घटनाबारे थप अनुसन्धान भइरहेको छ ।
प्रकाशित: ३ पुष, २०७७