गुल्मी : गुल्मीमाअटो दुर्घटना हुँदा एक जनाको मृत्यु भएको छ भने चार जना घाइते भएका छन् ।
शुक्रबार राति रेसुङ्गा नगरपालिका–१३ दुबिचौरमा अटो दुर्घटना हुँदा चालक रेसुंगा नगरपालिका–१२ का वर्ष ३० का तेज बहादुर रानाको उपचारका क्रममा तम्घासमा मृत्यु भएको छ ।
गुल्मी दरवार गाउँपालिकाको गैंडाकोटबाट तम्घासतर्फ आउँदै गरेको लु १ ह २७४३ नम्बरको अटो अनियन्त्रित भएर दुर्घटनामा परेको सशस्त्र प्रहरी बल नेपाल नम्बर ३७ गुल्म हेड क्वाटर गुल्मीका सशस्त्र प्रहरी नायव उपरीक्षक अशोक कुमार लम्सालले जानकारी दिए ।
यस्तै दुर्घटनामा परी घाइते हुनेमा रेसुङ्गा नगरपालिका–१२ का वर्ष १७ का रमेश खत्री, रेसुङ्गा नगरपालिका–२ बस्ने वर्ष १६ का रोशन परियार, सोहि स्थानका वर्ष १८ का सुरज बिक र वर्ष १७ का सुनिल बिक रहेका सशस्त्र प्रहरी नायव उपरीक्षक लम्सालले बताए ।
घाइतेहरुको गुल्मी अस्पताल तम्घासमा उपचार भइरहेको छ । सशस्त्र प्रहरी बल नेपाल नम्बर ३७ गुल्म हेड क्वाटर गुल्मीका सशस्त्र प्रहरी निरीक्षक नारायण प्रसाद सेढाईको कमान्डमा खटिएको ११ जना सुरक्षाकर्मीको टोलीले दुर्घटनाका घाइतेहरुको उद्धार गरेको थियो ।
प्रकाशित : पुस ४, २०७७
