ओलीलाई हटाएर माधवकुमार नेपाल अध्यक्ष बनाइए



काठमाडौं : नेकपाको प्रचण्ड-नेपाल समूहले पार्टी अध्यक्षबाट केपी ओलीलाई हटाएको छ ।

बानेश्वरको कार्की बैंकेटमा बसेको प्रचण्ड-नेपाल पक्षीय केन्द्रीय कमिटी बैठकले पार्टी अध्यक्षबाट ओलीलाई हटाएर माधवकुमार नेपाललाई बनाउने निर्णय सर्वसम्मतले पारित गरेको छ । बैठकमा वरिष्ठ नेता झलनाथ खनालले स्थायी कमिटीको निर्णयअनुसार नेता नेपालको नाम अध्यक्षका रुपमा प्रस्ताव गरेका थिए ।

यस्तै मंगलबार नै बसेको उक्त समूहको स्थायी कमिटीको बैठकले नेपाललाई ओलीको स्थानमा अध्यक्ष बनाउने प्रस्ताव केन्द्रीय कमिटीमा लैजाने निर्णय गरेको थियो । केन्द्रीय कमिटीको बैठकले ओलीलाई कारबाही गरी अध्यक्षबाट हटाउने निर्णय गरेलगत्तै नेपाललाई अध्यक्ष बनाउने प्रस्ताव पारित गरेको हो ।

नेता नेपालाई अध्यक्ष बनाउने प्रस्तावको प्रभु शाहले विरोध गरे । उनले दुईजना अध्यक्ष बनाउने प्रस्तावलाई नाटकको संज्ञा दिदै पार्टीमा एउटा मात्र अध्यक्ष हुनुपर्ने बताए । उक्त समूहका एक नेताका अनुसार दाहाल र नेपालले आलोपालो पार्टी चलाउने सहमति भएको हो ।

बैठकले प्रतिनिधिसभा विघटनविरुद्ध आन्दोलन गर्ने प्रस्ताव पनि पारित गरेको छ । बैठकले मन्त्रिपरिषद्को सिफारिसमा राष्ट्रपतिबाट आइतबार भएको संसद् विघटनविरुद्ध आन्दोलन गर्ने प्रस्ताव पारित गरेको हो । आन्दोलनका स्वरुप भने बुधबार कांग्रेस लगायत दलसँग छलफल गरेर तय गर्ने र बिहीबारको बैठकपछि आन्दोलन अगाडि बढाउने जनाइएको छ । यस्तै बुधबार १ बजे संसदीय दलको बैठक पनि आह्वान गरिएको छ । पार्टीका नेता कृष्णबहादुर महरालाई स्थायी कमिटी सदस्य बनाउने प्रस्ताव पनि बैठकले पारित गरेको छ ।

बैठकमा ३ सय भन्दा बढी मौजुदा केन्द्रीय सदस्य संख्या मध्ये ३ सय १० जना उपस्थित थिए । ४४७ मौजुदा सदस्य सख्याको दुई तिहाई हो । नेकपाको मौजुदा केन्द्रीय कार्यसमितिको ४ सय ४७ मध्ये ३ सय १० जनाको उपस्थिति भएको बैठकले ओलीलाई हटाउने निर्णय गरेको हो । बैठक अध्यक्ष प्रचण्डको अध्यक्षतामा बसेको थियो । वरिष्ठ नेताहरु झलनाथ खनाल, माधवकुमार नेपाल, प्रवक्ता नारायणकाजी श्रेष्ठ पनि सहभागी थिए ।

प्रधानमन्त्री ओलीले संसद बिघटन गराएपछि नेकपाभित्रको विवाद चर्किएको थियो । यसअघि ओली पक्षीय नेकपा बैठकले केन्द्रीय कमिटी बैठक विस्तार गरी ११ सय ९९ बनाउने निर्णय गरेको थियो । केन्द्रीय सदस्य थपेको जानकारीसहितको पत्र निर्वाचन आयोगमा समेत पठाएको छ ।

प्रकाशितः ७ पुष, २०७७

प्रतिक्रिया दिनुहोस्
मुख्य समाचार

काठमाडौं : म्यानमारमा भएको नरसंहारको विरोधमा ललितपुरस्थित म्यानमारको दूतावास अगाडि प्रदर्शन भएको छ । वृहत

काठमाडौँ : नेकपा प्रचण्ड–माधव समूहको संसदीय दलको बैठक शुक्रबार बस्दै छ । बैठक दिउँसो १

काठमाडौँ : एसीड आक्रमणमा परेकी वीरगंज निवासी मुस्कान खातुनले अन्तर्राष्ट्रिय साहसी महिला (आइडब्ल्युओसी) पुरस्कार पाउने

एजेन्सी : टर्कीमा सेनाको हेलिकोप्टर दुर्घटना हुँदा ११ जनाको मृत्यु भएको छ । दक्षिण पूर्वी

काठमाडौँ : विकसित राजनीतिक घटनाक्रममा कसरी अघि बढ्ने भन्ने विषयमा कांग्रेस अझै अनिर्णित नै छ

काठमाडौं । प्रधानमन्त्री केपी शर्मा ओली नेतृत्वको नेकपा संसदीय दलको बैठकका लागि नेकपाका अध्यक्ष पुष्पकमल

काठमाडौं– नेपाली कांग्रेसका केन्द्रीय सदस्य प्रदीप पौडेलले छिट्टै निर्वाचन गर्ने सहमतीका साथ ओली बाहेकका शक्तिहरु

काठमाडौं– जनता समाजवादी पार्टी, नेपालका अध्यक्ष उपेन्द्र यादवले वर्तमान राजनीतिक समस्या समाधानका निम्ति निर्वाचन आयोगले

काठमाडौँ । सरकारले नेत्रविक्रम चन्दको नेतृत्वमा रहेको नेपाल कम्युनिष्ट पार्टीमाथि लगाएको प्रतिबन्ध फुकुवा गरेको छ

गुल्मी : गुल्मीको भाडगाउँमा युवतीको हत्या अभियोगमा पक्राउ परेका व्यक्तिलाई प्रहरीले सार्वजनिक गरेको छ ।

काठमाडौं : राजनीतिक रूपमा विभाजन भइसकेको नेपाल कम्युनिष्ट पार्टीका दुई समूहका दोस्रो तहका नेताहरूले छलफल

काठमाडौं– राष्ट्रिय सभा सदस्य कोमल वलीले प्रधानमन्त्री केपी शर्मा ओलीलाई प्रेम गर्नु भनेको देशलाई प्रेम