काठमाडौं : नेपाल कम्युनिष्ट पार्टी (नेकपा) को पुष्पकमल दाहाल ‘प्रचण्ड’-माधवकुमार नेपाल पक्षको महासचिवमा सुरेन्द्र पाण्डेलाई चयन गरिने भएको छ।
प्रचण्ड र नेपाल समूहको आज (बिहीबार) बिहान बसेको बैठकले महासचिवमा पाण्डेलाई चयन गर्ने निर्णय गरेको थियो ।
पाण्डेको चयनलाई केहीबेरमा बबरमहलस्थित कार्की ब्याङ्क्वेटमा बस्ने केन्द्रीय कमिटी बैठकले अनुमोदन गर्नेछ ।
महासचिवका लागि पाण्डेसहित भीम रावल र जनार्दन शर्मा पनि आकांक्षी देखिएका थिए । तीमध्ये पाण्डेमा सहमति जुटेको हो । उनी तत्कालीन एमालेको महाधिवेशनमा महासचिवमा पराजित भएका थिए ।
यसैगरी आज बस्ने केन्द्रीय कमिटी बैठकले संसद विघटनविरुद्ध आन्दोलनका कार्यक्रम तय गर्ने जनाइएको छ ।
प्रकाशित : पुस ९, २०७७